Pimpri : इंद्रायणी, पवना नदी परिसर प्रदूषणमुक्त करणार- मंत्री उदय सामंत
एमपीसी न्यूज – पिंपरी-चिंचवड शहराच्या हद्दीतील (Pimpri)पवना आणि इंद्रायणी नदी क्षेत्रात होणारे प्रदूषण कमी करून नदी पुनरूज्जीवन प्रकल्पाचा विस्तृत आराखडा लवकरात लवकर मंजूर करण्यात येईल, असे मंत्री उदय सामंत यांनी विधानसभेत सांगितले. या अनुषंगाने येत्या तीन महिन्यात निविदा प्रक्रिया सुरू करण्यात येईल, असे सामंत म्हणाले.
सदस्य महेश लांडगे यांनी यासंदर्भातील लक्षवेधी (Pimpri)सूचना मांडली होती. याबाबत माहिती देताना मंत्री सामंत म्हणाले, अनधिकृत व्यवसायांमुळे नद्यांचे पात्र प्रदूषित होत असल्याचे निदर्शनास येत आहे. अशा व्यवसायांवर तात्काळ कारवाई करण्याचे निर्देश महानगरपालिकेला देण्यात येतील.
पवना तसेच इंद्रायणीनदी पुनरूज्जीवन प्रकल्पाचा आराखडा अंतिम करण्यात आला असून आवश्यक परवानग्या मिळाल्यानंतर प्रत्यक्ष प्रकल्पाच्या कामासाठी निविदा काढण्यात येतील.
Cricket : वेंगसरकर अकॅडमी आणि आर्यन्स अकॅडमी यांची विजयी घोडदौड सुरूच
याबाबत एमआयडीसी, महानगरपालिका यांच्यासह स्थानिक लोकप्रतिनिधींसमवेत बैठक घेण्यात येईल. मुख्यमंत्री एकनाथ शिंदे यांच्या निर्देशानुसार हे प्रदूषण दूर करण्यास प्राधान्य देण्यात आले असून जून 2023 मध्ये याबाबत बैठक देखील घेण्यात आल्याचे मंत्री सामंत यांनी यावेळी सांगितले. आमदार दिलीप मोहिते पाटील, अश्विनी जगताप यांनी याअनुषंगाने झालेल्या चर्चेत सहभाग घेतला.
