Pune Corona Update : पुण्यात दिवसभरात 268 नवे रुग्ण; 232 रुग्णांना डिस्चार्ज
एमपीसी न्यूज – पुण्यात आज, मंगळवारी दिवसभरात 268 नव्या कोरोनाबाधितांची तर 232 रुग्णांना डिस्चार्ज दिल्याची नोंद करण्यात आली आहे.
पुणे पालिका हद्दीत 14 कोरोनाबाधित रुग्ण तर पुण्याबाहेरील 9 रुग्णांचा मृत्यू झाला आहे. आजच्या नव्या संख्येसह मृतांची एकूण संख्या 8 हजार 583 इतकी झाली आहे. शहरात 288 गंभीर रुग्णांवर उपचार सुरु आहेत. तर ॲक्टिव्ह रुग्ण संख्या 2320 झाली आहे.
आजपर्यंत एकूण पॉझिटिव्ह रुग्णसंख्या 4 लाख 78 हजार 009 इतकी झाली आहे. पुण्यात आतापर्यंत एकूण 4 लाख 67 हजार 106 जणांना डिस्चार्ज देण्यात आला आहे, तर पुणे शहरात आज एकाच दिवसात 5 हजार 362 नमुने घेण्यात आले आहेत.
तरीही नागरिकांनी घराबाहेर पडताना काळजी घ्यावी. तोंडाला मास्क, हात धुणे आणि शारीरिक आंतरपालन करण्याचे आवाहन पुणे महापालिकेच्या आरोग्य विभागाकडून करण्यात आले आहे.