Pune Crime News : नवले पुलावरून 24 वर्षीय तरुणीचाआत्महत्येचा प्रयत्न

याप्रकरणी अधिक माहिती अशी की, रविवारी रात्री आठ वाजण्याच्या सुमारास पुणे बंगळूर महामार्गावरील नवले पुलावरून एक तरुणी आरडाओरडा करत जात होती. काही वेळातच ही महिला नवले पुलावरून खाली उडी मारण्याच्या तयारीत होती. त्या ठिकाणी वाहतुकीचे नियमन करणाऱ्या पोलिसांच्या लक्षात हा प्रकार आला. या तरुणीने उडी मारू नये यासाठी त्यांनी तिला समजावण्याचाही प्रयत्न केला. मात्र ती काही ऐकण्याच्या तयारीत नव्हती.

त्यानंतर वाहतूक पोलिसांनी काही स्थानिक नागरिकांच्या मदतीने सतरंजी धरून या महिलेला वाचवण्यासाठी ऑटोकाठ प्रयत्न केला. त्यानंतर काही वेळाने या महिलेने खाली उडी मारली देखील. त्याच वेळी खाली जमलेल्या नागरिकांनी सतरंजी आणि हाताच्या साह्याने या महिला पकडले. या संपूर्ण प्रकारात ( Pune Crime News ) या महिलेला किरकोळ दुखापत झाली आहे. तिच्यावर आता खाजगी रुग्णालयात उपचार सुरू आहेत. दरम्यान या महिलेने प्रेम प्रकरणातून हा सर्व प्रकार केल्याची माहिती आता समोर येत आहे.