Pune : अखिल भारतीय ब्राह्मण महासंघाच्या नांदेड सिटी शाखेचे उद्घाटन

एमपीसी न्यूज – अखिल भारतीय ब्राह्मण महासंघाच्या नांदेड सिटी (Pune) शाखेचे आज (दि. 14) उद्गाटन खडकवासल्याचे आमदार भीमराव तापकीर यांच्या हस्ते झाले. अखिल भारतीय ब्राह्मण महासंघाची पुणे जिल्हयातील ही 19 वी शाखा आहे.

या कार्यक्रमानिमित्त बोलताना  आमदार भीमराव तापकीर  म्हणाले की, ब्राह्मण समाज एकत्र व संघटित होणे ही काळाची गरज आहे आणि ब्राह्मण समाज एकत्र व संघटित होण्यासाठी  त्यासाठी अखिल भारतीय ब्राह्मण महासंघाचे (Pune) काम उल्लेखनीय आहे.अखिल भारतीय ब्राह्मण महासंघाचे पुणे जिल्हा अध्यक्ष मंदार रेडे यांनी महासंघाच्या कार्याची माहिती दिली. या परिसरातील दीड लाख ब्राह्मण लोकांना आगामी दोन वर्षात अखिल भारतीय ब्राह्मण महासंघाशी जोडण्यात येईल अशी ग्वाही दिली.

BJP : लोकसभा निवडणुकीच्या पार्श्वभूमीवर भाजपाचा जाहीरनामा प्रसिद्ध

यावेळी लक्ष्मीकांत धडफळे, अमोघ पाठक, कमलेश जोशी, दत्तात्रय देशपांडे, शिल्पा महाजनी, हेमंत व जयश्री कासखेडीकर, धनश्री धडफळे, ऋचा पाठक, स्मिता इनामदार, अर्चना जोशी, शिल्पा वैद्य, अस्मिता इनामदार, श्रुती संगमनेरकर, आशा जोशी, मीना देशमुख, विनिता गोखले, गीता गलगली, ललिता कुलकर्णी, अवधूत देशमुख, उमाकांत कुलकर्णी, आशिष गोखले आदी उपस्थित होते.

आई आधार केंद्र येथे झालेल्या कार्यक्रमात ब्राह्मण समाजासाठी मोठे योगदान असलेल्या मान्यवरांचा सन्मान करण्यात आला. स्नेहल गोरे (अंधवृद्धाश्रम), अनंत टोपे (शैक्षणिक क्षेत्र), नितीन फडणीस (सामाजिक क्षेत्र), आनंद गलगली (समाज प्रबोधन), सुनील भिडे (सामाजिक कार्य), प्रकाश गोरे (सामाजिक कार्य), वि ग सातपुते (थोर साहित्यिक) यांच्यासह महासंघाच्या विविध महिला जिल्हा, शाखा पदाधिकारी यांचा सन्मान करण्यात आला.

केतकी कुलकर्णी, सत्यजीत कुलकर्णी यांनी महासंघाच्या उपक्रमांची माहिती दिली. शाखेतील महिला आघाडी तर्फे चैत्रगौर कार्यक्रमाचे आयोजन करण्यात आले. ललिता कुलकर्णी यांनी या कार्यक्रमाचे सूत्रसंचालन केले.