Alandi : श्री ज्ञानेश्वर विद्यालयात डॉ. बाबासाहेब आंबेडकर जयंती उत्साहात साजरी

याप्रसंगी संस्थेचे सचिव अजित वडगावकर, विद्यालयाचे प्राचार्य दीपक मुंगसे, प्राथमिक विभागाचे मुख्याध्यापक प्रदीप काळे, शिक्षकेतर प्रतिनिधी शिवाजी जाधव, बाळासाहेब भोसले, योगेश मठपती, शिक्षक, विद्यार्थी उपस्थित होते. कार्यक्रमाच्या निमित्ताने यशवंती काढणे, रुचिका वाघमारे या विद्यार्थिनींनी डॉ. बाबासाहेब आंबेडकर यांच्या जीवन कार्याविषयीचे विचार व्यक्त केले.

डॉ. बाबासाहेब आंबेडकर यांची वेशभूषा धारण करणारा वेदांत मुरकुटे याने ‘मी बाबासाहेब बोलतोय’ एकपात्री सादर केली तसेच दीपक मुंगसे, सूर्यकांत खुडे यांनी डॉ. बाबासाहेब आंबेडकर यांच्या जिवंत विचारांना उजाळा देत महापुरुषांचे कार्य हे विशिष्ट जाती – धर्मासाठी नसून ते समस्त मानवासाठी व त्यांच्या कल्याणासाठी आहे असे सांगून त्यांच्या जीवनातील काही वेचक प्रसंगातून विद्यार्थ्यांना त्यांचे विचार आत्मसात करण्यासाठी प्रेरित केले.