Pune : पेट्रोल पंप बंद राहणार नाहीत, अफवांवर विश्वास ठेऊ नका – पुणे पेट्रोल-डिझेल असोसिएशन

एमपीसी न्यूज – राज्यभरात आजपासून पेट्रोल पंप चालक संप करणार असून त्यामुळं पंप बंद ( Pune ) राहणार असल्याची अफवा पसरली होती. त्यामुळं आपल्या वाहनांमध्ये इंधन भरुन घेण्यासाठी पंपावर ठिकठिकाणी मोठी गर्दी उसळली आहे.

या पार्श्वभूमीवर आता पुणे पेट्रोल-डिझेल असोसिएशनने प्रसिद्धी पत्रक काढून स्पष्टीकरण दिलं आहे. संपाचा किंवा पेट्रोल पंप बंद ठेवण्याचा संघटनेचे कुठलेही प्रयोजन नसल्याचे त्यांनी म्हटलं आहे.

Talegaon : तळेगाव शहरात बुधवारी येणार विकसित भारत संकल्प यात्रा

राज्याच्या विविध भागात पसरलेल्या या अफवेमुळं पेट्रोल मिळणार नाही या भीतीनं पेट्रोल पंपवर वाहनांची एकच गर्दी झाली आहे. आज सरकारच्या नवीन कायद्या विरोधात ट्रक चालकांच्या आंदोलनाचा परिणाम दिसून आला. नागपूर शहरातील पेट्रोल पंपांवर दुचाकीत पेट्रोल भरण्यासाठी झुंबड झाल्याचं पाहायला मिळालं. एरव्ही पेट्रोल पंपावर दोन-चार वाहनं असताना आता मात्र पेट्रोल पंपावर एकच गर्दी पाहायला मिळत आहे.

दरम्यान, पुण्यातील पेट्रोल-डिझेल असोसिएशनने यासंदर्भात एक प्रसिद्धीपत्रक काढून यावर स्पष्टीकरण दिलं आहे. पत्रकात म्हटलं की, सर्वसामान्य जनतेला आमची विनंती आहे की, कुठल्याही अफवांमुळे किंवा बातम्यांमुळे पॅनिक होऊ नका. जिल्ह्यात पेट्रोल-डिझेलचा पुरवठा सुरळीत व्हावा यासाठी संघटना बांधील आहे, असं पेट्रोल-डिझेल असोसिएशनचे अध्यक्ष ध्रुव रुपारेल यांनी ( Pune ) म्हटलं आहे.