Pune : पुण्याच्या धरणांमध्य केवळ दोन महिने पुरेल एवढाच पाणीसाठा
एमपीसी न्यूज – यंदा पाऊस हा सरासरीच्या 92 ते 95 टक्के (Pune)झाला आहे. त्यामुळे गोल्यावर्षीच्या तुलनेत यंदा 20 टक्के कमी पाणी साठी उपलब्ध आहे जो पुणेकरांची केवळ दोन मिहन्याची तहान भागवू शकतो.
गेल्या वर्षीच्या आजच्या तारखेला जिल्ह्यातील धरणांमध्ये एकूण 95.19 टीएमसी (Pune)इतका पाणीसाठा उपलब्ध होता. गेल्या वर्षीच्या उपलब्ध पाणीसाठ्याचे प्रमाण हे 47.99 टक्के इतके होते.
यावर्षी जिल्ह्यातील 26 धरणांमध्ये मिळून बुधवारी (दि.27) अखेरपर्यंत 56.31 टीएमसी उपयुक्त पाणीसाठा शिल्लक आहे. सध्याच्या उपयुक्त पाणीसाठ्याचं हे प्रमाण एकूण साठ्याच्या तुलनेत केवळ 28.39 टक्के इतके अल्प आहे. हा उपलब्ध साठा गेल्या वर्षीच्या आजच्या तारखेच्या तुलनेत 38.885 टीएमसीने कमी आहे.
जिल्ह्यातील धरणांमध्ये उजनी, भामा आसखेड, माणिकडोह, चासकमान, पवना, मुळशी, टेमघर, वरसगाव, पानशेत, गुंजवणी, नीरा देवधर, भाटघर, वीर आदी प्रमुख धरणांचा समावेश आहे. सर्व प्रमुख धरणांसह जिल्ह्यातील सर्व धरणांतील मिळून एकूण उपयुक्त पाणीसाठा क्षमता 198.34 टीएमसी इतकी आहे.
प्रमुख धरणांमधील बुधवारचा साठा (टीएमसी मध्ये)
– टेमघर — 0.33
– वरसगाव — 6.64
– पानशेत — 4.96
– खडकवासला — 1.06
– पवना — 3.99
– चासकमान — 2.68
– भामा आसखेड — 3.65
– आंद्रा — 1.64
– गुंजवणी — 1.66
– भाटघर — 8.03
– नीरा देवघर —4.27
– वीर — 4.25
– माणिकडोह — 1.09
– येडगाव — 0.89
– डिंभे — 5.24
