Pune : पुणे सासवड रोडवरील दिवे घाट येथे भीषण अपघातात दोघांचा मृत्यू
एमपीसी न्यूज- पुणे सासवड रस्त्यावरील दिवे घाट येथे (Pune )काल (दि.8 मे) रात्री 8.30 च्या सुमारास टँकरने दोन वाहनांना धडक देऊन सुमारे पन्नास फूट खाली दरीत गेल्याने दोघांचा मृत्यू झाला तर काही जण जखमी झाले.अपघाताची माहिती मिळताच पुणे शहर पोलिसांचे लोणी काळभोर पोलिस स्टेशन आणि पुणे अग्निशमन दलाचे पथक घटनास्थळी दाखल झाले.
वरिष्ठ पोलिस निरीक्षक दत्तात्रय चव्हाण यांनी सांगितले की, औद्योगिक दारू वाहतूक करणारा टँकर हडपसर येथील एका कंपनीकडे जात होता. पुणे सासवड रस्त्यावरील दिवे घाटाच्या उतारावर टँकर चालकाचे नियंत्रण सुटल्याचा संशय आहे. त्यामुळे टँकरने दोन दुचाकींना धडक दिली. टँकरही दरीत घसरला आणि उलटला.
या अपघातात दुचाकी चालवणाऱ्या दोघांचा मृत्यू झाल्याचे पोलिसांनी सांगितले. दरम्यान, चालकासह दोघेजण टँकरच्या चालकाच्या केबिनमध्ये अडकले होते. अग्निशमन दलाच्या पथकाने त्यांची सुटका केली. जखमींना उपचारासाठी रुग्णालयात दाखल (Pune ) करण्यात आले.
