Talegaon : परवानगी शिवाय झाडे तोडली व दंडाची रक्कम देखील भरली नाही म्हणून महिलेविरोधात गुन्हा दाखल
एमपीसी न्यूज – नगर परिषदेच्या परवानगी शिवाय महिलेने तिच्या घराच्या परिसरातील 10 झाडे तोडल्याने (Talegaon)व त्याचा दंड ही न भरल्याने तळेगाव नगर पालिकेने महिलेची थेट पोलिसांकडे तकार केली आहे. ही झाडे महिलेने 1 ते 10 ऑगस्ट 2020 या कालावधीत तळेगाव येथील राज गुरव कॉलनी येथे तोडली आहेत.
याप्रकरणी तळेगाव दाभाडे नगरपालिकेने महिले विरोधात तळेगाव दाभाडे पोलीस (Talegaon)ठाण्यात तकार दिली आहे त्यानुसार पोलिसांनी नागरिक्षेत्रात झाडांचे जतन व संरक्षण कायदा 1975 व सुधारणा अधिनीयम 2021 अंतर्गत गुन्हा दाखल केला आहे.
पोलिसांनी दिलेल्या माहितीनुसार, संबंधित महिलेने तळेगाव दाभाडे नगरपालिकेची कोणतीही परवानगी न घेता त्या रहात असलेल्या परिसरातील 1 नारळ, 1 आंबा, 1 डाळींब, 2 बाभूळ, 1 प्राजक्त, 3पाल्म,14 जास्वंद अशी एकूण 10 झाडे महिलेने तोडली होती. यासाठी महिलेला दंड देखील ठोठावला होता मात्र महिलेने तो दंड भरला नसल्याने पोलीस ठाण्यात ही तक्रार दाखल करण्यात आली आहे.
