Today’s Horoscope 12 December 2022- जाणून घ्या आजचे राशिभविष्य
आजचे पंचांग – Today’s Horoscope 12 December 2022
वार – सोमवार.
12-12-2022
शुभाशुभ विचार- उत्तम दिवस.
आज विशेष- साधारण दिवस.
राहू काळ – सकाळी 7.30 ते 9.00
दिशा शूल – पूर्वेस असेल.
आजचे नक्षत्र – पुष्य 23.36 पर्यंत नंतर आश्लेषा.
चंद्र राशी – कर्क.
—————————————-
मेष – ( शुभ रंग- निळा )
जमीन खरेदी विक्रीचे काही अपुरे व्यवहार मार्गी लागतील. विद्यार्थ्यांना आज अवघड विषयातही गोडी निर्माण होईल. गृहिणींना मात्र आज कामातून अजिबात उसंत मिळणार नाही.
वृषभ (शुभ रंग- स्ट्रॉबेरी )
आजचा दिवस धावपळीचा आहे. तुमचा आत्मविश्वास वृद्धिंगत करणारी एखादी घटना घडेल. उच्च अधिकारी असाल तर सह्या करण्यापूर्वी मजकूर नीट काळजीपूर्वक वाचून घ्या.
मिथुन ( शुभ रंग- सोनेरी )
आज तुमची आर्थिक बाजू भक्कम असेल. गृहिणींना अचानक येणाऱ्या पाहुण्यांची उठबस करावी लागेल. आज केलेले प्रवास त्रासदायक होऊ शकतात. फार अर्जंट नसतील तर टाळा.
कर्क (शुभ रंग- पिस्ता)
कमी श्रमात जास्त लाभाच्या अपेक्षेने निराशाच पदरात पडू शकते. महत्त्वाचे निर्णय विचार करून घ्या. अडचणीच्या प्रसंगी आज जोडीदाराने दिलेले सल्ले योग्यच असतील.
सिंह (शुभ रंग- तांबडा )
आज तुमचा मीपणा प्रगतीच्या आड येऊ शकतो. मृदु वाणीने बरीच अवघड कामे सोपी होऊ शकतात. एखाद्या महत्त्वाच्या कामासाठी तातडीने प्रवासाला निघावे लागू शकते.
कन्या ( शुभ रंग- क्रीम)
आजचा दिवस तुमच्यासाठी सर्वच दृष्टीने अनुकूल आहे. आज केलेल्या कोणत्याही वाटाघाटी सकारात्मकतेने पार पडतील. जिवलग मित्राकडून अपेक्षित सहकार्य मिळेल.
तूळ ( शुभ रंग- पांढरा)
यशस्वी लोकांच्या सहवासात आज तुमच्याही महत्त्वाकांक्षा वाढतील. कामाच्या व्यापात आज कुटुंबीयांना वेळ देणे अवघड होऊन बसेल. आज अतिव्यस्त दिवस.
वृश्चिक (शुभ रंग- केशरी)
आज घरात वडीलधर्या मंडळींशी काही वादविवाद संभवतात. तुम्हाला जरा एकांताची गरज भासेल. ज्येष्ठ मंडळींची पावले आपोआप सत्संगाकडे वळतील.
धनु- (शुभ रंग- मोरपंखी)
आपल्या कार्यक्षेत्रात स्पर्धकांना कमजोर समजू नका. नोकरीच्या ठिकाणी आज नियमांची अंमलबजावणी काटेकोरपणे करा. हितशत्रू टपूनच बसलेले आहेत, सतर्क रहा.
मकर ( शुभ रंग- गुलाबी )
व्यवसायात भागीदारांशी सलोख्याचे संबंध असतील. वैवाहिक जीवनातही आज गोडी गुलाबी असून काही जुन्या आठवणी मनाला आनंद देतील. आशादायी दिवस.
कुंभ (शुभ रंग – आकाशी)
नोकरीच्या ठिकाणी विरोधकांच्या काही उचापती चालूच राहतील. आरोग्य विषयक तक्रारीची वेळीच दखल घेणे गरजेचे आहे. दुकानदारांची थकलेली येणी वसूल होतील.
मीन -(शुभ रंग – भगवा )
नोकरदारांना नोकरीत बदल करण्यासाठी योग्य संधी चालून येतील. नवोदित कलाकारांच्या अथक प्रयत्नांना यश येईल. रुग्णांना हॉस्पिटलमधून डिस्चार्ज मिळेल.
शुभम भवतु
श्री जयंत कुलकर्णी.
ज्योतिष व वास्तु सल्लागार.
संपर्क 9689165424
