Today’s Horoscope 27 April 2023 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 27 April 2023 – जाणून घ्या आजचे राशिभविष्य
वार – गुरूवार.
27-04-2023
शुभाशुभ विचार- 14 पर्यंत चांगला दिवस.
आज विशेष- गुरुपुष्यामृत सकाळी 7.00 नंतर सूर्योदयापर्यंत.
राहू काळ – दुपारी 1.30 ते 3.00
दिशा शूल- दक्षिणेस असेल.
आजचे नक्षत्र – पुष्य.
चंद्र राशी – कर्क.
—————————————-
आजचे राशिभविष्य
मेष – ( शुभ रंग- आकाशी )
व्यापार उद्योगास चांगली गती येईल. महत्त्वाच्या चर्चेत तुम्ही आपल्या मतावर ठाम राहाल. प्रॉपर्टीचे अपुरे व्यवहार मार्गी लागतील. विद्यार्थ्यांनी पालकांच्या अज्ञात राहावे.
वृषभ (शुभ रंग- निळा )
ज्यात काही कळत नाही त्यात उगीच डोकं घालू नका अति आत्मविश्वास ही नुकसानास कारणीभूत ठरू शकतो. काही अति हुशार मंडळी आज भेटतील कमीच बोललेले बरे.
मिथुन ( शुभ रंग- गुलाबी )
कार्यक्षेत्रातील नवीन आव्हाने आत्मविश्वासाने स्वीकाराल. आज वाणीत गोडवा ठेवाल तर अनेक किचकट कामे सोपी होतील. आज गृहिणी पाहुण्यांची उठबस आनंदाने करतील.
कर्क (शुभ रंग- पांढरा)
कार्यक्षेत्रात तुमच्या शब्दास मान राहील व्यापाऱ्यांची आवक मुबलक असेल आज कारण नसताना इतरांच्या भानगडीत लक्ष घालाल. दूरच्या प्रवासात खोळंबा संभवतो.
सिंह (शुभ रंग- स्ट्रॉबेरी )
आज आर्थिक व्यवहारात सावध राहायला हवे. एकाच्या भरावशावर दुसऱ्याच शब्द देऊ नका. रात्रीच्या प्रवासात सावध राहा, आपल्या किमती वस्तूंची काळजी घ्यायला हवी.
कन्या ( शुभ रंग- हिरवा )
आज नोकरीच्या ठिकाणी काही मनासारख्या घटना घडतील. वरिष्ठ तुमच्या कामाची दखल घेतील. विरोधकही आज नमतेच घेतील. संततीकडून महत्त्वाच्या बातम्या येतील.
Alandi : सिद्धार्थ ग्रुप आयोजित भारतरत्न डॉ. बाबासाहेब आंबेडकर जयंती महोत्सव मोठ्या उत्साहात पार
तूळ ( शुभ रंग- जांभळा)
आज तुम्ही आपले अधिकार वापरून इतरांची कामे कराल. हाताखालच्या माणसांवर तुमचा वचक राहील. आज तुमच्या विरोधकांनाही तुमचे विचार पटवून देता येतील.
वृश्चिक (शुभ रंग- राखाडी)
नोकरी धंद्यातील काही मनाविरुद्ध घटना घडल्याने नैराश्य येण्याची शक्यता आहे. आज हातचे सोडून पळत्याच्या मागे धावायचा मोह होईल पण तो टाळा. ज्येष्ठांना उपासनेची प्रचिती येईल.
धनु- (शुभ रंग- मोरपिशी)
आज उद्योग व्यवसायाच्या दृष्टीने प्रतिकूल दिवस. मोठे आर्थिक व्यवहार उद्यावरच ढकला. ज्येष्ठ मंडळींना आज सत्संगातून मनःशांती मिळेल. आज कोणतेही धाडस नको.
मकर ( शुभ रंग- केशरी )
सगळी महत्त्वाची कामे आज दिवसाच्या पूर्वार्धातच उरकून घ्या. भागीदाराच्या व्यवहारात पारदर्शकता असलेली बरी. संध्याकाळी जोडीदारास वेळ देणे आवश्यक आहे.
कुंभ (शुभ रंग – मरून)
नोकरदारांवर वरिष्ठांची कृपादृष्टी राहील पूर्वीचे कष्ट कारणी लागतील. आज तब्येत थोडी नरमस असेल. पती-पत्नी मधील मतभेद आज दुपारनंतर सौम्य होतील.
मीन -(शुभ रंग – भगवा )
तुमच्या प्रामाणिक मेहनतीस आज नशिबाची ही उत्तम साथ राहील. कार्यक्षेत्रात काही नवीन संधी चालून येतील. नवोदित कलाकार मिळालेल्या संधीचे सोने करतील.
श्री जयंत कुलकर्णी.
ज्योतिष व वास्तु सल्लागार.
संपर्क 9689165424