Today’s Horoscope 7 September 2022 – जाणून घ्या आजचे राशिभविष्य
एमपीसी न्यूज : आजचे पंचांग – Today’s Horoscope 7 September 2022
वार – बुधवार
तारीख 7- 9 – 2022
शुभाशुभ विचार – शुभ दिवस
आज विशेष – भागवत एकादशी
राहू काळ – दुपारी 12.00 ते 1.30
दिशा शूल – उत्तरेस असेल
आजचे नक्षत्र – उत्तराशाढा 16.00 पर्यंत नंतर श्रवण
————————————–
आजचे राशिभविष्य
मेष – (शुभ रंग – सोनेरी)
आज नोकरीच्या ठिकाणी कामाचा प्रचंड ताण असेल.कामाच्या व्यापात घरगुती समस्या दुर्लक्षित होतील.कदाचित कुटुंबीयांची नाराजी पत्करावी लागणार आहे.आज अत्यंत व्यस्त दिवस.
वृषभ – (शुभ रंग- चंदेरी)
आज तुम्हाला दैवाचे उत्तम पाठबळ असेल.तुमच्या प्रामाणिक प्रयत्नांना यशाची शंभर टक्के खात्री आहे.आज घरात एखादे धार्मिक कार्य करण्याचे बेत आखाल.सज्जनांचा सहवास लाभेल.
मिथुन – (शुभ रंग – हिरवा)
हितशत्रु मित्रांमध्येच लपलेले असण्याची शक्यता आहे सतर्क रहा.कोणतीही धाडसाची कामे आज करू नका.आज कोणावरही डोळे झाकून विश्वास ठेवूच नका.
कर्क – (शुभ रंग – गुलाबी)
कौटुंबिक सदस्यात सुसंवाद असल्याने तुम्ही आज घराबाहेर आपल्या कर्तुत्वाचा ठसा उमटवू शकाल.अडचणीच्या प्रसंगी जोडीदाराची खंबीर साथ असणार आहे.
सिंह – (शुभ रंग – डाळिंबी)
आज कोणतीही गोष्ट सहज साध्य असणार नाही, तरीही तुमच्या प्रयत्नांना दैवाची साथ नक्की मिळेल.काही येणी असतील तर वसूल होऊ शकतील.तब्येतीकडे दुर्लक्ष करू नका.
कन्या – (शुभ रंग – मरून)
हौशी मंडळींना चैन करण्यासाठी पुरेसा पैसा उपलब्ध होईल.आज मनसोक्त स्वतःचेच लाड कराल. नामांकित कलाकार मंडळी प्रसिद्धीच्या झोतात राहतील.नवोदितांना संधी चालून येतील.
तूळ – (शुभ रंग – पांढरा)
आज कामावर दांडी मारून घरी मस्त आराम करायचा विचार कराल.काही घरगुती प्रश्नात लक्ष घालावे लागेल.गृहिणी मुलांच्या अभ्यासात लक्ष देतील. गृह उद्योगातून चांगली मिळकत होईल.
वृश्चिक – (शुभ रंग- मोतिया)
शेजार्यांशी क्षुल्लक कारणाने झालेले गैरसमज दूर होऊन सलोखा वाढेल. काही जणांना अचानक जवळपास ते प्रवास घडण्याची शक्यता आहे आज क्रोधावर लगाम असलेला बरा.
धनु – (शुभ रंग – भगवा)
आज खर्च कितीही वाढला तरी पैसा कमी पडणार नाही.काही प्रिय पाहुणे आज घरी पायधूळ झाडणार आहेत.वक्त्यांची भाषणे प्रभावशाली होतील.नवविवाहितांना मनोवांच्छित संततीचा लाभ होईल.
मकर – (शुभ रंग – निळा)
आज तुम्ही जिथे चाल तिथे आपलीच मर्जी चालवण्याचा प्रयत्न कराल.अति उत्साहात घेतलेले काही निर्णय चुकणार आहेत.विवाह इच्छुकांना मनपसंत स्थळांचे प्रस्ताव येतील.
कुंभ – (शुभ रंग- स्ट्रॉबेरी)
आज दिवस खर्चाचा असल्याने बचतीचा विचारही नको.संध्याकाळी एखाद्या मॉलमध्ये फेरफटका माराल.उंची वस्तू खरेदी होईल.आज गरजेपुरते तरी आध्यात्मिक व्हाल.
मीन – (शुभ रंग – क्रीम)
आज तुमच्यासाठी स्वप्नपूर्तीचा दिवस असून मनी योजाल ते तडीस न्याल. आज कमी श्रमातही जास्त लाभ पदरात पडू शकेल. आज जिवलग मित्र तुमचा शब्द झेलतील.
शुभम भवतु :
श्री जयंत कुलकर्णी
फोन 9689165424
(ज्योतिष व वास्तु सल्लागार)