Cabinet Meeting : सततचा पाऊस आता नैसर्गिक आपत्ती म्हणून निश्चित करण्यात येणार; मंत्रिमंडळाचा मोठा निर्णय

एमपीसी न्यूज : राज्य मंत्रिमंडळाची बैठक (Cabinet Meeting) आज पार पडली. या बैठकीत शेतकऱ्याच्या हिताच्या दृष्टीने महत्त्वाचा निर्णय घेण्यात आला आहे. राज्यात सततच्या अवकाळी पावसामुळे शेतकऱ्यांचं मोठं नुकसान होत आहे. या संकटातून शेतकऱ्यांना सावरण्यासाठी, शेतकऱ्यांना मदत करण्यासाठी सततचा पाऊस आता नैसर्गिक आपत्ती म्हणून निश्चित करण्यात येणार आहे. 10  मिलीमीटर पेक्षा जास्त पाऊस सलग पाच दिवस पडल्यास नैसर्गिक आपत्ती समजली जाईल. सरकारच्या या निर्णयामुळे शेतकऱ्यांना मोठा दिलासा मिळेल. मदत व पुनर्वसन विभागाने हा निर्णय घेतला आहे.

Alandi : माऊली मंदिरात अखिल भारतीय सैनिक सामुदायिक ग्रंथराज ज्ञानेश्वरी पारायण सोहळ्याची काल्याच्या किर्तनाने सांगता

कृषी मंत्री  अब्दुल सत्तार म्हणाले,  पाऊस पडून जे शेतकऱ्यांचे नुकसान होतं. यावर आजच्या कॅबिनेट बैठकीमध्ये चर्चा झाली. सलग पाच दिवस पाऊस पडून नुकसान झालं तर मदतीची तरतूद करणारा प्रस्ताव  कॅबिनेटच्या मिटिंगमध्ये मांडण्यात आल. त्यावर चर्चा झाली त्यामध्ये आणखी बदल केल्यानंतर निर्णय घेतला जाणार आहे.  मुख्यमंत्री उपमुख्यमंत्री याबद्दलच्या अंतिम निर्णय अवघ्या काही दिवसांमध्ये जाहीर करणार आहेत.

सुधीर मुनगंटीवार म्हणाले,  शेतकऱ्यांना मदत करण्याबाबत महत्वाचा निर्णय झाला आहे. पाच दिवस पाऊस पडल्यास त्या ठिकाणी शेतकऱ्यांना मदत दिली जाणार आहे.(Cabinet Meeting) ज्या पीकांचे नुकसान झाल्यानंतर नुकसान भरपाई मिळायची नाही त्या पिकांचाही यामध्ये समावेश करण्यात आला आहे.