Big B reveals one secrete: बिग बींनी कोणती ‘कान’गोष्ट केली बरं ?
कान जर खरंच बोलू लागले तर ते काय बोलतील? स्वत:च्या समस्या कशा सांगतील? हे त्यांनी या कवितेद्वारे मांडण्याचा प्रयत्न केला आहे.
एमपीसी न्यूज – कधी कधी एखाद्या गोष्टीला अचानकपणे कसे महत्व प्राप्त होईल हे सांगता येत नाही. आपण ज्याला बिनकामाचे म्हणून समजतो ती गोष्ट कधीतरी खूपच गरजेची होऊन बसते. आता आपल्या अवयवांचेच बघा ना. साधारणपणे आपल्याला प्रत्येक अवयवाची जोडी असते. दोन डोळे, दोन हात, दोन पाय, दोन कान…पण होतं काय की आपण या गोष्टीचा खोलवर जाऊन विचार करत नाही. आणि या अवयवांची पण कधीकधी फिर्याद असू शकते हं. मराठीत म्हणतात ना ‘दोन डोळे शेजारी, भेट नाही संसारी’…
पण बॉलिवूडचे महानायक अमिताभ बच्चन यांना नुकताच एक भन्नाट शोध लागला आहे आणि त्यांनी सवयीने तो सोशल मीडियावर मांडला देखील आहे. मध्यंतरी कोरोनाची लागण झाल्यामुळे बिग बी रुग्णालयात होते. कदाचित त्यांना हा शोध त्यावेळीच लागला असण्याची शक्यता आहे.
पण त्याची जाणीव त्यांनी आत्ता सोशल मीडियावर व्यक्त केली आहे. अमिताभ यांनी चक्क आपल्या कानांचं मनोगत व्यक्त करणारी एक कविता पोस्ट केली आहे. त्यांची ही कविता सध्या सोशल मीडियावर सर्वांचेच लक्ष वेधून घेत आहे.
बिग बींनी आपल्या इन्स्टाग्राम अकाउंटवर कविता पोस्ट केली आहे. या कवितेद्वारे त्यांनी आपल्या कानांचं मनोगत सांगण्याचा प्रयत्न केला आहे. कान जर खरंच बोलू लागले तर ते काय बोलतील? स्वत:च्या समस्या कशा सांगतील? हे त्यांनी या कवितेद्वारे मांडण्याचा प्रयत्न केला आहे.
‘मैं हूँ कान… हम दो हैं… जुड़वां भाई…, लेकिन हमारी किस्मत ही ऐसी है, कि आज तक हमने अपने दूसरे, भाई को देखा तक नहीं’, असे या कवितेचे बोल आहेत. बिग बींनी पोस्ट केलेली ही कविता सध्या सर्वांचेच लक्ष वेधून घेत आहे. काही तासांत शेकडो नेटकऱ्यांनी यावर आपल्या प्रतिक्रिया दिल्या आहेत.