Chinchwad : पर्यावरणपुरक गणेशोत्सव साजरा करण्याबाबत जनजागृती
एमपीसी न्यूज – संस्कार प्रतिष्ठान पिंपरी चिंचवड शहर, स्वामी प्रोअॕक्टीव्ह अॕबॕकस वाल्हेकरवाडी, डॉ. डी वाय पाटील (Chinchwad) फार्मसी महाविद्यालय पिंपरी यांच्या संयुक्त विद्यमाने रविवारी (दि. 10) वाल्हेकरवाडी येथे गुरुव्दारा परिसरात शालेय विद्यार्थ्यांनी पर्यावरणपुरक गणेशोत्सव जनजागृती अभियान राबविले.
परिसरातील नागरिकांना पर्यावरणपुरक गणेशोत्सव साजरा करावा असे आवाहन विद्यार्थांनी केले. यामध्ये सजावटीसाठी प्लॕस्टीकचा वापर टाळा, थर्माकोलचा वापर टाळा, प्लॕस्टर आॕफ पॕरिसच्या मुर्ती घेऊ नका, शक्यतो शाडू मातीच्याच मुर्ती बसवाव्यात, गणेशमुर्ती लहान आकाराची घ्यावी. गणपती विसर्जन घरच्याघरी करावे. कापडी पिशवीचा वापर करा, असे आवाहन करण्यात आले.
यावेळी संस्थेचे अध्यक्ष डॉ. मोहन गायकवाड (Chinchwad) यांनी विद्यार्थांना पर्यावरणाचे महत्त्व सांगितले. या अभियानाचे संयोजन भानुप्रिया पाटील, विकास पाटील, शब्बीर मुजावर, आनंद पाथरे, मनोहर कड, भरत शिंदे, ओम पाथरे, पल्लवी नायक, स्वामी पाटील यांनी केले.
