Pimpri :सोन्याच्या दुकानातून मॅनेजरने चोरले 12 लाखांचे दागिने
विश्वासाचा गैरफायदा घेऊन 12 लाख रुपयांचे दागिने घेऊन पसार
एमपीसी न्यूज – सोन्याच्या दुकानात मॅनेजर म्हणून काम करणाऱ्या कर्मचाऱ्याने दुकानातून तब्ब्ल 12 लाख रुपयांचे दागिने चोरून नेले आहेत.ही घटना 4 मार्च 2024 ते 7 मार्च 2024 या कालावधीत पिंपरी येथील ईश्वरी ज्वेलर्स(Pimpri) येथे घडली आहे.
याप्रकरणी महेश अशोक खेमचंदानी (वय 40 रा.पिंपरी) यांनी पिंपरी पोलीस ठाण्यात फिर्याद दिली आहे. यावरून रामचंद्र दास (वय 33 रा.राजस्थान) याच्या विरोधात पिंपरी पोलीस स्टेशन येथे गुन्हा दाखल केला आहे.
पोलिसांनी दिलेल्या माहितीनुसार, “आरोपी हा फिर्यादी यांच्या दुकानात मागील चार वर्षापासून नेटाने काम करत होता. त्याने त्याच्यावरील विश्वासाचा गैरफायदा घेत फिर्यादी यांच्या दुकानातून 11 लाख 94 हजार 680 रुपयांचे 197 ग्रॅम सोन्याचे दागिने व रोख रक्कम 12 हजार 800 रुपये परस्पर चोरून नेले आहेत”, यावरून पिंपरी पोलिसांनी गुन्हा दाखल केला असून पुढील तपास पोलीस(Pimpri) करत आहेत.
Pimpri : पूर्ववैमनस्यातून महिलेवर कोयत्याने वार
