Hadapsar : दहशत माजविणाऱ्या जुन्नी टोळीविरुद्ध मोका कारवाई

जुन्नी आणि साथीदारांनी हडपसर भागात दहशत माजविली होती. त्यांच्याविरूद्ध खुनाचा प्रयत्न, मारहाण, घरफोडी असे गंभीर स्वरुपाचे 14 गुन्हे दाखल आहेत. जुन्नी टोळीविरुद्ध मोक्का कारवाई करण्याचा प्रस्ताव वरिष्ठ पोलीस निरीक्षक रवींद्र शेळके यांनी पोलीस उपायुक्त विक्रांत देशमुख यांच्याकडे सादर केला होता. अतिरिक्त आयुक्त रंजनकुमार शर्मा यांनी प्रस्तावाची पडताळणी केली. त्यानंतर पोलीस आयुक्तांनी जुन्नी टोळीविरुद्ध ( Hadapsar ) मोक्का कारवाईचे आदेश दिले.