Pavana Dam Update : पावसाची जोरदार बँटिंग; पवना धरण 70 टक्क्यांवर!
एमपीसी न्यूज – पिंपरी-चिंचवडकर आणि मावळवासीयांची तहान (Pavana Dam Update) भागविणाऱ्या पवना धरण परिसरात पावसाची संततधार सुरूच आहे. गेल्या 24 तासात 70 मिली मीटर पावसाची नोंद झाली आहे. धरणातील पाणीसाठा 69.89 टक्क्यांवर गेला आहे.
पवना धरणातून पिंपरी-चिंचवड, मावळातील गावांना, शेतीला पाणीपुरवठा केला जातो. या भागासाठी पाणी पुरवठ्याचा पवना धरण मुख्य स्त्रोत आहे. पवना धरणाचे काम सन 1972 साली पूर्ण झाले आहे. महापालिका पवना नदीतून रावेत येथील बंधाऱ्यातून अशुद्ध जलउपसा करण्यात येतो. सेक्टर 23 निगडी येथे पाणी शुद्ध करुन शहरवासीयांना पुरवठा केला जातो.
धरणातील पाण्याची परिस्थिती – Pavana Dam Update
- गेल्या 24 तासात झालेला पाऊस – 70 मिली मीटर
- 1 जूनपासून झालेला एकूण पाऊस – 1477 मिली मीटर
- गेल्यावर्षी आजच्या तारखे पर्यंत झालेला एकूण पाऊस – 1576 मिली मीटर
- धरणातील सध्याचा पाणी साठा – 69.89 टक्के
- गेल्यावर्षी आजच्या तारखेचा धरणातील पाणीसाठा – 79.40टक्के
- गेल्या 24 तासात पाणी साठ्यात झालेली वाढ – 4.70 टक्के
- 1 जूनपासून पाणी साठ्यात झालेली वाढ – 51.91 टक्के
