Pimpri News : महापालिका सेवांचे वितरण सुधारण्यासाठी फेलोज “इनवॉर्ड्स प्रकल्प” उपयुक्त ठरेल – शेखर सिंह
एमपीसी न्यूज : पिंपरी-चिंचवड महापालिकेमार्फत देण्यात येणा-या सेवांचे वितरण सुधारण्यासाठी प्रभाग स्तरावरील स्पर्धात्मकते साठी एक डिजिटल व्यासपीठ आणि शाश्वत विकास उद्दिष्टे (SDG) स्थानिकीकरण करण्यासाठी “इनवॉर्ड्स प्रकल्प” उपयोगी ठरणार आहे.(Pimpri News) प्रकल्पामध्ये वॉर्ड-स्तरीय मूल्यांकनासाठी डेटा इनपुट यंत्रणा असलेले वेब पोर्टल आणि भू-स्थानिक विश्लेषणात्मक डॅशबोर्डचा समावेश करण्यात आलेला आहे, अशी माहिती महापालिका आयुक्त तथा स्मार्ट सिटी मुख्य कार्यकारी अधिकारी शेखर सिंह यांनी दिली.
गृहनिर्माण आणि शहरी व्यवहार मंत्रालय, MoHUA च्या पुढाकाराने इंडिया स्मार्ट सिटीज फेलोवशीप प्रोग्रॅम अंतर्गत टीम ऍस्पयर चे फेलोज पिंपरी चिंचवड महापालिका (PCMC) आणि पिंपरी चिंचवड स्मार्ट सिटी लि. (PCSCL) मार्फत “इनवॉर्ड्स प्रकल्प” राबविण्यात येत आहे. “राष्ट्रनेता ते राष्ट्रपिता पंधरवाडा” उपक्रमांतर्गंत सदर प्रकल्पाच्या पहिल्या टप्प्याचा शुभारंभ महापालिका आयुक्त शेखर सिंह यांच्या करण्यात आला. यावेळी, अतिरिक्त आयुक्त जितेंद्र वाघ, उल्हास जगताप, सह आयुक्त आशादेवी दुरगुडे, शहर अभियंता मकरंद निकम, सह मुख्य कार्यकारी अधिकारी किरणराज यादव, उपायुक्त विठ्ठल जोशी, सुभाष इंगळे, अजय चारठणकर, मनोज लोणकर, मुख्य माहिती व तंत्रज्ञान अधिकारी निळकंठ पोमण, सह शहर अभियंता रामदास तांबे, कंपनी सेक्रेटरी चित्रा पंवार यांच्यासह महापालिका विभाग प्रमुख व अधिकारी, कर्मचारी आदी उपस्थित होते.
गृहनिर्माण आणि शहरी व्यवहार मंत्रालय, MoHUA च्या पुढाकाराने इंडिया स्मार्ट सिटीज फेलोशिप प्रोग्राम (ISCFP) अंतर्गत आकृती मुर्‍हेकर, अंशुल राठौर, सतरुपा रॉय आणि विघ्नेश्वर जे. यांच्या टीमद्वारे हा प्रकल्प विकसित करण्यात येत आहे. या फेलोजद्वारे प्रकल्पाचे सादरीकरण करण्यात आले.(Pimpri news) स्थानिक स्वराज्य संस्थांचे प्रभाग स्तरावरील मूल्यांकन होण्यासाठी प्रक्रिया, पारदर्शकता तसेच तळागाळातील लोकशाहीला चालना देण्याकरीता आणि प्रभागांची ताकद, कमकुवतपणा याबद्दल प्रथमदर्शी ज्ञान मिळविण्यास वाव निर्माण करते.
पद्मश्री लिला पुनावाला यांना जगातील सर्वोच्च ‘महात्मा पुरस्कार’ प्रदान
इनवॉर्ड्स प्रकल्पामध्ये शहरी सेवा वितरणाचे मूल्यमापन व झोनच्या मूल्यांकनासाठी एक सांख्यिकीय फ्रेमवर्क विकसित करणे समाविष्ट आहे. झोनच्या सेवा वितरण स्थितीचे वैशिष्ट्य असलेल्या डॅशबोर्डद्वारे दृश्यमान करून एकाधिक झोनचे तुलनात्मक विश्लेषण सक्षम करते. हे प्रत्येक क्षेत्राचे परीक्षण, विश्लेषण आणि तुलना करण्यास वाव निर्माण करते. त्याचबरोबर त्यांना मूल्यांकनाच्या समान व्यासपीठावर आणते.(Pimpri news) हा डॅशबोर्ड शाश्वत आणि सर्वसमावेशक विकासाकडे नेणाऱ्या चांगल्या सेवा वितरणासाठी माहितीपूर्ण निर्णय घेण्यास सुलभ होणार आहे. या प्रकल्पामुळे नागरिकांमध्ये त्यांच्या परिसरात सार्वजनिक सुविधा, सुविधा इत्यादी उपलब्ध असलेल्या विविध महापालिका सेवांविषयी जागरुकता निर्माण होवून शहराच्या वास्तवाची जाणीव होणार असल्याचे फेलोज यांनी सांगितले.
या प्रकल्पामध्ये शहरी क्षेत्रातील सेवांचे गुणात्मक मूल्यांकन करण्यासाठी नागरिकांच्या आकलनाची तरतूद केली आहे. शहराच्या सुविधांचा प्रभाग स्तरावरील सर्वांगीण आढावा घेण्यासाठी मदत होणार आहे.(Pimpri news) नागरिकांचा सहभाग आणि त्यांच्या प्रयत्नांचे मोजमाप देखील सर्वसमावेशक विकासासाठी उत्प्रेरक म्हणून काम करेल, असेही त्यांनी सादरीकरणावेळी सांगितले.
