Ankush Shinde : शाळा व महाविद्यालय आवरात विनाकारण फिरणारे रोड रोमिओंच्यावर पिंपरी चिंचवड पोलीस करणार कारवाई

पिंपरी चिंचवड पोलीस आयुक्तालय हद्दीतील सर्व शाळा व महाविद्यालये पुर्ण वेळ सुरु झाले आहेत. त्यामुळे आयुक्त अंकुश शिंदे यांनी सर्व पोलीस ठाण्याचे प्रभारी अधिकारी यांना आपल्या पोलीस ठाण्याच्या हद्दीतील सर्व शाळा व महाविद्यालय आवारात परिणामकारक पेट्रोलिंग करण्याचे आदेश दिले आहेत.

पिंपरी चिंचवड पोलीस आयुक्तालय हद्दीमध्ये अनुदानित व विनाअनुदानित शाळा व महाविद्यालयांची संख्या मोठी आहे. अशा ठिकाणी शिक्षणासाठी येणाऱ्या विद्यार्थीची संख्या मोठ्या प्रमाणात आहे. शाळा व महाविद्यालये सुरू होताना व सुटल्यानंतर आवरात विनाकारण फिरणाऱ्या रोड्रॉमिओंकडून महिला व विद्यार्थिनींची छेडछाड (Ankush Shinde) होण्याची किंवा काही अनुचित प्रकार घडण्याची शक्यता नाकारता येत नाही. त्या अनुषंगाने सर्व पोलिस ठाण्यांचे प्रभारी अधिकारी यांना आपापल्या पोलिस ठाण्याच्या हद्दीतील सर्व अनुदानित व विनाअनुदानित शाळा व महाविद्यालय यांना वेळोवेळी भेटी देऊन परिणामकारक गस्त वाढविण्याबाबत आदेश दिले आहेत.

पिंपरी चिंचवड पोलीस आयुक्तालाय हद्दीतील सर्व सुजाण नागरिकांना (Ankush Shinde) पोलिसांनी आवाहन केले आहे की आपल्या परिसरातील शाळा व महाविद्यालय ठिकाणी महिला व विद्यार्थिनींशी छेडछाडीचा अनुचित प्रकार आढळून आल्यास तात्काळ पोलीस नियंत्रण कक्ष व जवळील पोलीस ठाण्याशी संपर्क साधावा. गैरकृत्य करणाऱ्या रोड रोमिओंवर पोलीस विभागाकडुन तात्काळ कारवाई करण्यात येईल. हेल्पलाईन नंबर – 112, नियंत्रण कक्ष फोन नंबर – 020-27352500