Pune Crime News : पुण्यात घरफोडीत सोन्याच्या दागिन्यासह पिस्टल व 12 जिवंत काडतूस चोरीला
एमपीसी न्यूज – पुण्यातील पाषाण परिसरात एका व्यावसायीकाच्या घरात शुक्रवारी (दि.10) रात्री घरफोडी केली ज्यामध्ये चोरट्यांनी घरातील ( Pune Crime News) दागिनेच नाही तर परदेशी बनावटीचे पिस्टल व 12 जिवंत काडतुसे चोरून नेली आहेत.
याप्रकरणी चतु:श्रृंगी पोलीस ठाण्यात जगदीश लक्ष्मणराव कदम (वय-57 रा. शाश्वत बंगला, सिंध सोसायटी, पाषाण रस्ता, पुणे) यांनी फिर्याद दिली आहे. पोलिसांनी अज्ञात चोरट्याच्या विरोधात गुन्हा दाखल केला आहे.
पोलिसांनी दिलेल्या माहितीनुसार, कदम हे व्यावसायीक असून त्यांच्याकडे शस्त्रपरवाना आहे. चोरट्यांनी शुक्रवारी पहाटे घरात घुसून कुटुंबीय झोपले होते.चोरट्यांनी बेडरुम मधील कपाट उचकटून ( Pune Crime News) दोन लाखांची रोकड, 3 महागडी घडाळे, सोन्याची चैन असा एकूण 6 लाख 1 हजार 200 रुपयांचा मुद्देमाल चोरून नेला आहे. चंतुःश्रृंगी पोलीसांनी घटनेस्थळाची पहाणी केली असून पोलीस आरोपींचा शोध घेत आहेत.