Pune News : महापालिकेचे कामकाज 50 टक्के कर्मचार्यांवरच तब्बल साडेसात हजार पदे रिक्त
एमपीसी न्यूज – पुणे महापालिकेमध्ये वर्ग 1 पासून वर्ग 4 पर्यंत गेल्या अनेक वर्षापासून भरती झालेली नाही. त्यामुळे सेवा नियमावली मान्य होवून सुध्दा तब्बल 7 हजार 703 जागा महापालिकेत रिक्त असल्याची माहिती समोर आली आहे. त्यामुळे महापालिका 50 टक्के कर्मचार्यांवरच सुरु आहे. कंत्राटी कामगार आणि राज्य सरकारकडून आलेल्या अधिकारी यांच्यावर महापालिकेचा कारभार सुरु आहे.
राज्यातील क्षेत्रफळाच्या दृष्टीने सर्वात मोठी महापालिका पुणे आहे. नुकतीच महापालिकेच्या हद्दीमध्ये तेवीस गावांचा समावेश झाल्यामुळे मोठी हद्दवाढ झाली आहे. एवढ्या मोठ्या महापालिकेचा डोलारा चालवायचा असल्यास पुर्ण कर्मचारी वर्ग आवश्यक आहे. महापालिकेत चतुर्थ श्रेणी कामगारांची भरती गेल्या अनेक वर्षापासून झालेले नाही. कोट्यवधी रुपयांच्या निविदा काढून झाडण काम केले जाते. त्यामुळे कायमस्वरुपी पदा भरण्याकडे कायमच दुर्लक्ष करण्यात येत आहे.
पुण्याची लोकसंख्या 50 लाखांपर्यंत पोहचत आहे. असे असताना स्मार्ट सिटी असलेल्या पुण्यात महापालिकेच्या सेवा योग्य पध्दतीने मिळणे आवश्यक आहे. यासाठी महापालिका प्रशासनाकडे पुरेसे मनुष्यबळ असणे आवश्यक आहे. गेल्या अनेक वर्षापासून अपुर्या कर्मचार्यांवर महापालिकेचा गाडा सुरु आहे.