Pune News: गुणरत्न सदावर्ते विरोधात पुण्यात आणखी एक तक्रार दाखल, अडचणी वाढण्याची शक्यता
एमपीसी न्यूज – वकील गुणरत्न सदावर्ते यांच्यासमोरील अडचणी काही कमी होताना दिसत नाहीत. वेगवेगळ्या गुन्ह्यात आरोपी असलेल्या सदावर्ते यांना मुंबई सातारा आणि त्यानंतर कोल्हापूर पोलिसांनी ताब्यात घेतले आहे. सदावर्ते यांच्याविरोधात पुण्यातही एक गुन्हा दाखल आहे. सदावर्ते यांच्या अडचणी आणखी वाढण्याची शक्यता आहे.
पुण्यात राष्ट्रवादी काँग्रेस पक्षातर्फे सदावर्ते यांच्या विरोधात शिवाजी नगर पोलीस स्टेशनमध्ये गुणरत्ने सदावर्ते व जयश्री पाटील यांच्यावर गुन्हा नोंद करावा म्हणून एक अर्ज दिला आहे. मराठा समाजाविषयी आक्षेपार्ह विधान केल्याबद्दल सदावर्ते यांच्यावर गुन्हा दाखल करावा, अशी मागणी राष्ट्रवादी काँग्रेस पक्षाने केली आहे.