Pune News: चारित्र्यावर संशय घेणाऱ्या पतीचा पत्नीकडून खून, गळफास घेऊन आत्महत्या केल्याचा रचला बनाव

एमपीसी न्यूज – चारित्र्यावर संशय घेणाऱ्या पतीला झोपेत असतानाच गळा आवळून खून करण्यात आला. त्यानंतर पुरावा नष्ट करण्यासाठी गळफास घेऊन आत्महत्या केल्याचा बनाव देखील रचण्यात आला. पुण्यातील उत्तमनगर परिसरात ही घटना घडली. परंतु पोलिसांच्या तपासात हा सर्व बनाव उघड पडला आणि त्यानंतर पोलिसांनी पत्नीला अटक केली आहे.

रमेश चंदु भिसे (वय 37) असे खून झालेल्या पतीचे नाव आहे. या प्रकरणी पत्नी नंदिनी रमेश भिसे उर्फ नंदिनी राजू धस (वय 40) हिला अटक करण्यात आली आहे. उत्तमनगर पोलीस ठाण्यात याप्रकरणी गुन्हा दाखल करण्यात आला आहे.