Pune News: मनसे शहराध्यक्षपदावरुन वसंत मोरे यांना तडकाफडकी हटविले; साईनाथ बाबर यांची नियुक्ती
एमपीसी न्यूज – मशिदींवरील भोंग्यांसदर्भात पक्षप्रमुख राज ठाकरे यांनी घेतलेल्या भूमिकेला विरोध दर्शविणे मनसेचे पुणे शहराध्यक्ष वसंत मोरे यांना महागात पडले आहे. शहराध्यक्षपदावरुन मोरे यांना तडकाफडकी बाजूला सारत त्यांच्याजागी माजी नगरसेवक साईनाथ बाबर यांची नियुक्ती केली आहे.
राज ठाकरे यांनी आज (गुरुवारी) पुण्यातील पदाधिकाऱ्यांची बैठक बोलावली होती. या बैठकीला बाबू वागस्कर, अनिल शिदोरे, साईनाथ बाबर यांना बोलावण्यात आले होते. या बैठकीत बाबर यांची शहराध्यक्षपदी नियुक्ती केली.
मनसेच्या अधिकृत ट्विटर हँडलवरुन याबाबतची दिली माहिती
महाराष्ट्र नवनिर्माण सेनेचे अध्यक्ष मा. श्री. राजसाहेब ठाकरे यांच्या आदेशाने आज नगरसेवक श्री. साईनाथ संभाजी बाबर यांची पक्षाच्या पुणे शहर अध्यक्षपदी नियुक्ती करण्यात आली आहे. नव्या जबाबदारीसाठी श्री. साईनाथ बाबर यांचे मनःपूर्वक अभिनंदन आणि भावी राजकीय वाटचालीसाठी शुभेच्छा!
दरम्यान, या बदलावर वसंत मोरे यांनी ट्विटरवर बाबर यांचा शिवाजी महाराज यांच्या वेशभूषेतील आणि आपला मावळ्याच्या वेशभूषेतील फोटो ट्विट करत म्हणाले, “अरे मी तर कधीपासूनच तुझा मावळा आहे ” कार्यक्षम नगरसेवक मनसेचे गटनेते साईनाथ बाबर यांची पुणे शहर अध्यक्ष पदी निवड! खूप खूप अभिनंदन साई,
"अरे मी तर कधीपासूनच तुझा मावळा आहे " कार्यक्षम नगरसेवक मनसेचे गटनेते साईनाथ बाबर यांची पुणे शहर अध्यक्ष पदी निवड!
खूप खूप अभिनंदन साई!@Sainathbabar7 pic.twitter.com/Qkar8mCakS— Vasant More | वसंत मोरे (@vasantmore88) April 7, 2022
नेमके काय घडले होते?
