Pune News: डॉ .पुरू दधीच व डाॅ. विभा दधीच यांना विमल-भास्कर पुरस्कार प्रदान
या पुरस्कार सोहळ्यानंतर पद्मश्री डॉ. दधीच यांनी मध्ययुगीन कथक नृत्य व कथक शास्त्र यावर व्याख्यान देऊन बहारदार नृत्यप्रदर्शन केले. प्रारंभी स्वतः डॉ.पुरू दधीच यांनी 81 व्या वर्षी शिव-पार्वती वंदना सादर करून रसिकांना आश्चर्यचकित केले.
यानंतर त्यांचे शिष्य पियूष राज यांनी गणेश वंदना, सुनील सुंकरा यांनी पुष्पांजली व भूमिपूजन सादर केले. तसेच हर्षिता दाधीच यांनी रंगदेवतांची पूजा, ‘ कस्तुरी तीलकम् ‘ प्रस्तुत केले. कार्यक्रमाचे निवेदन कीर्ती रामदासी यांनी केले.