Pune : पुणे पोलिसांच्या अंमली पदार्थ विरोधी पथकाने जानेवारी महिन्यात विविध कारवाईमध्ये 25 लाखांचे मेफेड्रोन केले जप्त, पाच जणांना अटक
एमपीसी न्यूज – गुन्हे शाखेच्या अंमली पदार्थ विरोधी पथक 1 यांनी जानेवारी महिन्यात विविध ( Pune ) कारवाई करत 5 जणांना अटक केली असून त्यांच्याकडून 25 लाखांचे 121 ग्रॅम एमडी जप्त करण्यात आले आहे. ही कारवाई हडपसर, लष्कर, फरासखाना, बंडगार्डन पोलीस ठाण्याच्या हद्दीत करण्यात आली.
Maval : श्रीमती भामाबाई बोत्रे यांना जीवन गौरव पुरस्कार
केशवनगर मांजरी येथे 2 जानेवारी रोजी एक जण एमडी विक्रीसाठी येणार असल्याची माहिती मिळाली होती. पोलिसांनी सापळा रचून शिवम शिवप्रसाद सोनुने (वय-21, घुलेनगर, वाघोली) याल अटक करण्यात आली. त्याच्याकडून लाख 6 हजारांचे 5.30 ग्रॅम आणि 10 हजरांचा एक मोबाईल जप्त करण्यात आला आहे. सोनुने विरोधात हडपसर पोलीस ठाण्यात गुन्हा दाखल करण्यात आला आहे.
तसेच डुल्या मारुती शेजारी असणाऱ्या दावत रेस्टोरंट मध्ये रेकॉर्डवरील गुन्हेगार अरबाज रफिक बागेवाडी (वय-26, मिठानगर, कोंढवा) येणार असल्याची माहिती अंमली पदार्थ विरोधी पथकाला मिळाली होती.
त्याला ताब्यात घेऊन चौकशी केली असता त्याच्याकडे 60 हजार किंमतीचा 3 ग्रॅम एमडी आढळून आला. बागेवाडी कडून यांच्याकडून 1 लाख 28 हजारांचा मुद्देमाल जप्त करण्यात आला आहे. बागेवाडीसह अफाक अन्सार खान (रा. गणेश पेठ) याच्यावर फरासखाना पोलीस ठाण्यात एनडीपीएस ऍक्ट नुसार गुन्हा दाखल करण्यात आला ( Pune ) आहे.
बंड गार्डन पोलीस ठाण्याच्या हद्दीत 12 जानेवारी एक जण ड्रग्स विक्रीकरण्यासाठी येणार असल्याची माहिती अंमली पदार्थ विरोधी पथकाला मिळाली होती. त्यानुसार सापळा रचून विरेश नगीनभाई रुपासरी (वय-53, रा. विलेपार्ले, मुंबई, मूळ रा. सिल्व्हासा, दादरनगर हवेली) याला ताब्यात घेण्यात आले होते. रुपासरीकडून 21 लाख 52 हजार किंमतीचे 107 ग्रॅम एमडी, 6 हजार 400 रुपये रोख,. 1 हजाराचा वजन काटा आणि 20 हजाराचा मोबाईल असा 22 लाख 37 हजार 200 रुपयांचा मुद्देमाल जप्त करण्यात आला होता.
ही कारवाई पोलीस आयुक्त रितेश कुमार, सहआयुक्त रामनाथ पोकळे, पोलीस उपायुक्त (गुन्हे) अमोल झेंडे, सहाय्यक पोलीस आयुक्त सुनील तांबे, वरिष्ठ पोलीस निरीक्षक अश्विनी सातपुते, सहाय्यक पोलीस निरीक्षक क्ष्मण ढेंगळे, पोलीस अंमलदार विशाल शिंदे, योगेश मोहिते, सुजित वाडेकर, मारुती पारधी, प्रवीण उत्तेकर, विशाल दळवी आदींच्या पथकाने केली.