Today’s Horoscope 05 March 2024 – जाणून घ्या आजचे राशिभविष्य
एमपीसी न्यूज – Today’s Horoscope 05 March 2024 – जाणून घ्या आजचे राशिभविष्य
आजचे पंचांग
आजचा दिवस – मंगळवार.
तारीख – 05.03.2024.
शुभाशुभ विचार – क्षयतिथी.
आज विशेष – श्री रामदास नवमी.
राहू काळ – दुपारी 3.00 ते 04.30.
दिशा शूल – उत्तरेस असेल.
आज नक्षत्र – मूळ 16.00 पर्यंत नंतर पूर्वा शाढा.
चंद्र राशी – धनु.
मेष – ( शुभ रंग – पांढरा)
कार्यक्षेत्रात ध्येयप्राप्तीसाठी अथक परिश्रम करण्याची तयारी ठेवावी लागेल. आपल्याच काही जुन्या तत्त्वांना मुरड घालावी लागेल महत्त्वाच्या चर्चेत सुसंवाद साधा.
वृषभ – ( शुभ रंग- क्रीम)
आज मोठे आर्थिक व्यवहार सावधपणे करावेत. नाकासमोर चालणे हिताचे राहील. गैरवर्तनाने प्रतिष्ठा धोक्यात येऊ शकते. आज संध्याकाळी फक्त सत्संगाकडे पावले वळवणे हिताचे राहील.
मिथुन – ( शुभ रंग- हिरवा)
केवळ मोठेपणा घेण्यासाठी न झेपणाऱ्या जबाबदाऱ्या स्वीकारू नका. जोडीदाराच्या भावना जपण्याचा प्रयत्न आज कराल. नोकरदारांवर वरिष्ठांचा वरदहस्त राहील.
कर्क – ( शुभ रंग – पिस्ता)
आज तुम्ही काही आरोग्याच्या तक्रारींनी त्रस्त असाल. वेळीच डॉक्टरांचा सल्ला घ्या. आज वैवाहिक जीवनातील काही मतभेद संध्याकाळी निवळतील. येणी वसूल होतील.
सिंह – ( शुभ रंग – मरून )
आजारी व्यक्तींच्या प्रकृतीत चांगलीच सुधारणा दिसून येईल. वैवाहिक जीवनात काही जुन्या स्मृती मनाला आनंद देतील. प्रिय व्यक्तीस आज एखादी भेटवस्तू द्याल.
कन्या – ( शुभ रंग- आकाशी)
घरगुती लघुउद्योग तेजीत चालतील. आज गृहिणी घर सजावटीवर भर देतील. कलाकारांना प्रयत्न वाढवावे लागणार आहेत. आज आईच्या तब्येतीची विचारपूस करा.
तूळ – ( शुभ रंग- चंदेरी)
वास्तु व वाहन खरेदी विक्रीचे व्यवहार आज टाळले तर बरे होईल. गृहिणींना आज माहेरची ओढ लागेल. विद्यार्थी आज अभ्यासापेक्षा खेळातच जास्त रमतील.
वृश्चिक – ( शुभरंग – जांभळा)
खिशात पैसा खेळता राहील. कमी कष्टात जास्त लाभ आज पदरात पडू शकतो. दुरावलेली काही नाती जवळ येतील. आज तुम्ही गोड बोलून आपल्या विरोधकांची ही मने जिंकाल.
धनु- (शुभ रंग- भगवा)
आज महत्त्वाच्या चर्चेत तुम्ही आपल्याच मताशी ठाम राहाल. इतरांचे विचार पटणार नाहीत. अति स्पष्ट वक्तेपणामुळे काही आपलीच माणसे दुखावण्याची शक्यता आहे. वाद नकोत.
मकर – (शुभ रंग- स्ट्रॉबेरी)
काही जणांना आज तातडीचे प्रवास घडण्याची शक्यता आहे घरात थोरांच्या शब्दाला मान द्यावा लागेल आज प्रवासात खाण्यापिण्यावर ताबा असू द्या.
कुंभ – (शुभ रंग- डाळिंबी)
कार्यक्षेत्रात प्रगतीचा आलेख उंचावेल आर्थिक बाजू भक्कम असल्याने आज थोडी अनावश्यक खरेदी कराल. विरोधकही आज मैत्रीचा हात पुढे करतील.
मीन – ( शुभ रंग- क्रीम)
आज आळस झटकून कामाला लागाल. व्यवसायातील वाढत्या स्पर्धेला यशस्वीपणे तोंड द्याल. भावनेच्या भरात कोणालाही शब्द देऊ नका. मित्रांच्या फार नादी लागू नका.
श्री जयंत कुळकर्णी.
ज्योतिष व वास्तु शास्त्र सल्लागार.
फोन 9689165424