Pimpri : तरुणाचा मोबाईल घेऊन रिक्षा चालक पसार
एमपीसी न्यूज – तरूणाचा 10 हजार रूपयांचा मोबाईल घेऊन रिक्षा चालक पसार झाला. ही घटना पिंपरीतील डॉ. बाबासाहेब आंबेडकर चौकात 19 जून रोजी घडली.
याप्रकरणी नारायण विठोबा खाणवे (वय 36, रा. चिखली) यांनी पिंपरी पोलीस ठाण्यात फिर्याद दिली आहे. त्यानुसार (एमएच-12, 2308) या क्रमाकांच्या रिक्षा चालकावर गुन्हा दाखल करण्यात आला आहे.
खाणवे 19 जून रोजी पिंपरीतील डॉ. बाबासाहेब आंबेडकर चौकात थांबले होते. त्यावेळी (एमएच-12, 2308) या क्रमांकाच्या रिक्षा चालकाने खाणवे यांच्या खिशातील 10 हजार रूपयांचा मोबाईल जबरदस्तीने हिसकावून पळ काढला. पिंपरी पोलीस तपास करत आहेत.