Chakan: नोटा नीट लावून देतो म्हणत  70 हजार केले लंपास

ही घटना मंगळवारी (दि. 5) दुपारी दीड वाजताच्या सुमारास बँक ऑफ महाराष्ट्र चाकण शाखा येथे घडली.

बाळू बबन मांडेकर (वय 48, रा. आंबेठाण, ता. खेड) यांनी याप्रकरणी चाकण पोलीस(Chakan) ठाण्यात फिर्याद दिली आहे. त्यानुसार दोन अनोळखी व्यक्तींच्या विरोधात गुन्हा दाखल करण्यात आला आहे.

पोलिसांनी दिलेल्या माहितीनुसार, मांडेकर मंगळवारी दुपारी दीड वाजताच्या सुमारास बँक ऑफ महाराष्ट्रच्या चाकण शाखेत पैसे जमा करण्यासाठी गेले होते. बँकेत त्यांना दोन अनोळखी व्यक्तींनी गाठले. पैसे असे भरायचे नसतात. आम्ही तुम्हाला नोटा लाऊन देतो, असे म्हणून आरोपींनी मांडेकर यांच्या हातातून एक लाख रुपये घेतले. त्यातील 70 हजार रुपये हातचलाखी करून काढून घेत त्यांची फसवणूक केल्याचे फिर्यादीत नमूद आहे. चाकण पोलीस तपास करीत आहेत.