Chakan : जमिनीच्या वादातून दहा जणांना मारहाण

पोलिसांनी दिलेल्या माहितीनुसार, फिर्यादी अरुण यांची पत्नी शोभा वाघमारे, मुलगा किरण वाघमारे, पुतण्या विशाल वाघमारे, सागर वाघमारे, भाऊ दीपक वाघमारे, प्रकाश वाघमारे, पुतणी पूजा वाघमारे, भावजय सुजाता वाघमारे, छाया वाघमारे हे सर्वजण शनिवारी सकाळी शेतातील कामासाठी शेतात गेले होते. फिर्यादी आणि आरोपी यांच्यामध्ये जमिनीच्या कारणावरून भांडण झाले होते. त्यातूनच आरोपींनी फिर्यादी यांच्या शेतात जाऊन सर्वांना धमकी देत मारहाण केली. तसेच जातीवाचक अपशब्द वापरले. यावरून आरोपींविरोधात मारहाण आणि अनुसूचित जाती जमाती प्रतिबंधक कायदा (अॅट्रॉसिटी) अन्वये गुन्हा दाखल करण्यात आला आहे. सहाय्यक पोलीस आयुक्त चंद्रकांत अलसटवार तपास करीत आहेत.