Chhagan Bhujbal : शरद पवार किंवा त्यांचे कुटुंबीय असे धमकी देण्याचे काम करीत नाही – छगन भुजबळ
एमपीसी न्यूज -शरद पवार किंवा त्यांचे कुटुंबीय असे धमकी (Chhagan Bhujbal) देण्याचे काम करीत नाही ,असे वक्तव्य छगन भुजबळ यांनी कार्यकर्त्यांना उद्देशून केले आहे.छगन भुजबळ यांना काल जीवे मारण्याची धमकी देण्यात आली होती ,यासंदर्भात ते बोलत होते.
राष्ट्रवादी काँग्रेस पक्षाचे ज्येष्ठ नेते मंत्री छगन भुजबळ हे दोन दिवसीय पुणे दौर्यावर आहेत.त्याच दरम्यान त्यांना जीवे ठार मारण्याची धमकी देण्यात आली होती.त्यानंतर गुन्हे शाखेच्या पोलिसांनी तातडीने कारवाई करत महाड येथून प्रशांत दशरथ पाटील या आरोपीला अटक केली आहे.या घटनेमुळे राजकीय वर्तुळात एकच खळबळ उडाली .
या प्रकरणी छगन भुजबळ यांना विचारले असता ते म्हणाले की,माझ्या सहकाऱ्याने मला धमकी आल्याचे सांगितले.त्या बाबतची माहिती पोलिसांना दिल्यानंतर काही तासात आरोपीला महाड येथून ताब्यात घेतले आहे.आरोपीकडे चौकशी केल्यावर अधिक माहिती समोर येईल.पण मी कार्यकर्त्यांना एकच सांगेन की,शरद पवार किंवा त्यांचे कुटुंबीय असे धमकी (Chhagan Bhujbal) देण्याचे काम करीत नाही.वैचारिक लढाई ही सुरु असते. ही अशी कामे अतिउत्साही लोक करत असतात .