Metro News: मेट्रोचे ई-तिकीट आता काढा व्हॉट्सअॅपवर
एमपीसी न्यूज – पुणे मेट्रोचे काम शहरामध्ये प्रगतीपथावर आहे. मेट्रो लवकरच नवीन मार्ग प्रवासासाठी सुरु करणार असल्याने मेट्रोने प्रवाश्यांच्या सोयीसाठी तिकीट व्हॉट्सअॅपवर उपलब्ध करून दिले आहे.
प्रत्येक नागरिक व्हॉट्सअॅपचा मोठ्याप्रमाणावर उपयोग करत असतो. तरुणाई या ऑनलाईन साधनांचा वापर सहज करत असते. त्यासाठी पुणे मेट्रोने प्रवाशांना तिकिटाच्या रांगेत उभे राहायला लागू नये आणि त्यांच्या वेळेची बचत व्हावी यासाठी व्हॉट्सअॅपवर तिकीट काढण्याची सोय केली आहे.
व्हॉट्सअॅपवर ई-तिकीट काढण्याच्या दोन पद्धती आहेत. पहिली पद्धत म्हणजे मेट्रोने प्रत्येक स्थानकात उपलब्ध करून दिलेल्या किऑस्क मशीनच्या साहाय्याने प्रवासी स्वतः हे तिकीट काढू शकतो. तर दुसरी पद्धत म्हणजे स्थानकात जाऊन टॉम (TOM) ऑपरेटरशी संपर्क साधून आपल्याला हे ई तिकीट मिळवता येईल.
पहिली पद्धत –
- किऑस्क मशीनद्वारे
- स्थानकात गेल्यावर आपल्याला हवा तो मार्ग व मेट्रोची वेळ, तिकिटांची संख्या किऑस्क मशीनवर निवडा
त्यानंतर तिकिटाचे पैसे देताना आपल्याला कागदी तिकीट वा ई-तिकीट असा पर्याय विचारेल, त्यातील आपल्याला हवा तो पर्याय निवडा. - ई-तिकीट असा पर्याय निवडल्यावर आलेला स्कॅनर (QR कोड) आपल्या मोबाईलद्वारे स्कॅन करा
- स्कॅन केल्यावर आपल्या व्हॉट्सअँप वर क्रमांकावर OTP येईल.
- हा OTP किऑस्क मशीनमध्ये टाईप करा.
- OTP मान्य झाल्यावर आपल्याला मोबाईल वर एक लिंक मिळेल.
- या लिंक वर क्लिक केल्यावर आपल्याला आपले ई-तिकीट दिसेल.दुसरी पद्धत –
- TOM काउंटर/टॉम (TOM) ऑपरेटरशी संपर्क साधून स्थानकात गेल्यावर आपल्याला हवा तो मार्ग व मेट्रोची वेळ निवडा
- त्यानंतर तिकिटाचे पैसे देताना टॉम (TOM) ऑपरेटर आपल्याला कागदी तिकीट वा ई-तिकीट असा पर्याय विचारेल
- आपण टॉम (TOM) ऑपरेटरला ई-तिकीट असा पर्याय सांगितल्यावर तो आपणास काउंटरवर लावण्यात आलेला
स्कॅनर (QR कोड) देईल - TOM काउंटरवर लावण्यात आलेला स्कॅनर (QR कोड) आपल्या मोबाईलद्वारे स्कॅन करा.
- स्कॅन केल्यावर आपल्या व्हॉट्सअँप वर क्रमांकावर OTP येईल, हा OTP टॉम (TOM) ऑपरेटरला सांगा व
OTP मान्य झाल्यावर आपल्याला मोबाईल वर एक लिंक मिळेल. - या लिंक वर क्लिक केल्यावर आपल्याला आपले ई-तिकीट दिसेलयाव्यतिरिक्त पुणे मेट्रोने 9420101990 हा व्हॉट्सअँप सुरु केला आहे. दररोज प्रवास करणाऱ्या प्रवाश्यांची आपल्या मोबाईलमध्ये हा नंबर सेव्ह करून ठेवावा. प्रवासी पुणे मेट्रोच्या या फोन नंबर वर ‘हाय’ मेसेज पाठवून चॅटबॉटशी संवाद साधण्यासाठी किंवा कोणत्याही मेट्रो स्टेशनवर उपलब्ध QR कोड स्कॅन करून व्हॉट्सअॅप चॅट सुरू करू शकतात. सध्या, व्हॉट्सअॅपद्वारे QR कोड ई-तिकीट TOM काउंटर आणि डिजिटल किओस्क मशीनद्वारे वितरित केले जाते. लवकरच प्रवासी व्हॉट्सअॅप चॅटबॉटद्वारे तिकिटे बुक करू शकतील आणि व्हॉट्सअॅप वापरकर्ते त्यांच्या तिकिटांसाठी पेमेंट करू शकतील. व्हॉट्सअॅपवर त्यांचा प्रवास तपशील निवडल्यानंतर एकात्मिक पेमेंट पार्टनरद्वारे रिचार्ज करू शकतील. ही सुविधा मराठी, हिंदी आणि इंग्रजी भाषांमध्ये उपलब्ध असेल.महामेट्रोचे व्यवस्थापकीय संचालक डॉ. ब्रिजेश दीक्षित म्हंटले आहे की, पुणे मेट्रोच्या नवीन व्हॉट्सअॅप चॅटबॉट सुविधेमुळे प्रवाशांना सुलभ आणि त्रासमुक्त प्रवास उपलब्ध होणार आहे. ही नवीन तिकीट प्रणाली नागरिकांचा वेळ वाचवण्यासाठी खूप मदत करेल आणि हे एक पर्यावरणास अनुकूल पेपरलेस तिकीट समाधान देखील आहे. पुणे मेट्रो पुण्यातील नागरिकांना आणि अभ्यागतांना जलद, सुरक्षित आणि आरामदायी प्रवास देण्यावर विश्वास ठेवते. पुणे मेट्रोने लोकांना व्हॉट्सअॅप चॅटबॉट सेवा वापरण्याचे आवाहन केले आहे.
