Maharashtra Corona Update : 18.55 लाख पैकी 17.30 रुग्ण कोरोनामुक्त, रिकव्हरी रेट 93.28 टक्के

एमपीसी न्यूज – राज्यात आज, सोमवारी 3 हजार 075 नव्या कोरोना बाधीत रुग्णांची वाढ झाली. यामुळे राज्यातील एकूण कोरोना बाधित रुग्णांची संख्या 18 लाख 55 हजार 341एवढी झाली आहे. त्यापैकी 17 लाख 30 हजार 715 रुग्ण उपचारानंतर बरे झाले आहेत. राज्यातील रुग्ण बरे होण्याचे प्रमाण वाढले असून ते 93.28 टक्के एवढं झाले आहे.

राज्यात आज 7 हजार 345 बरे झालेल्या रुग्णांना डिस्चार्ज देण्यात आला. बरे होणा-या रुग्णांची संख्या दिवसेंदिवस वाढत असल्यानं सक्रिय रुग्णांची संख्या कमी होत आहे. राज्यात सध्या 75 हजार 767 सक्रिय रुग्णांवर उपचार सुरू आहेत.

राज्यातील मृतांचा आकडा 47 हजार 774 वर पोहोचला आहे. आरोग्यमंत्री राजेश टोपे यांनी ही आकडेवारी जाहीर केली आहे.

राज्यात आज 3075 कोरोना बाधीत रुग्णांची वाढ झाली व आज नवीन 7345 कोरोना बाधित रुग्ण बरे झाले आहेत. एकूण 1730715 रुग्ण बरे होऊन दवाखान्यातून घरी पाठविण्यात आले आहेत. राज्यात एकूण 75767 ऍक्टिव्ह रुग्ण आहेत. राज्यातील रुग्ण बरे होण्याचे प्रमाण आता 93.98% झाले आहे.#CoronaVirusUpdates

— Rajesh Tope (@rajeshtope11) December 7, 2020

राज्यात आज 40 कोरोना रुग्णांच्या मृत्यूंची नोंद झाली. सध्या राज्यातील मृत्यू दर 2.57 टक्के इतका आहे. आजपर्यंत तपासण्यात आलेल्या 1 कोटी 13 लाख 18 हजार 721 प्रयोगशाळा नमुन्यांपैकी 18 लाख 55 हजार 341 नमुने पॉझिटिव्ह आले आहेत.

सध्या राज्यात 5 लाख 55 हजार 180 व्यक्ती होम क्वारंटाइन झाले आहेत. तर 5 हजार 565 व्यक्ती संस्थात्मक क्वारंटाइन आहेत.