PCMC News: आरोग्य वैद्यकीय अधिकारी डॉ. के. अनिल रॉय सेवानिवृत्त
एमपीसी न्यूज : पिंपरी-चिंचवड महानगरपालिकेचे आरोग्य वैद्यकीय अधिकारी डॉ. के. अनिल रॉय नियत वयोमानानुसार सेवानिवृत्त झाले.(PCMC News) त्यांच्यासह जुलै 2022 अखेर सेवानिवृत्त होणा-या अधिकारी, कर्मचा-यांचा अतिरिक्त आयुक्त उल्हास जगताप यांच्या हस्ते सत्कार करण्यात आला.
आरोग्य कार्यकारी अधिकारी गणेश देशपांडे, कामगार कल्याण अधिकारी प्रमोद जगताप, जनसंपर्क विभागाचे प्रफुल्ल पुराणिक, कर्मचारी महासंघाचे उमेश बांदल, मनोज माछरे, चारुशीला जोशी, गणेश लोंढे तसेच कर्मचारी व सेवानिवृत्त कर्मचा-यांचे नातेवाईक यावेळी उपस्थित होते.
तसेच जुलै 2022 मध्ये स्वेच्छानिवृत्ती घेतलेल्या कर्मचा-यांमध्ये मुख्य लिपिक सुधीर माने, स्टाफ नर्स वनिता माकर, सफाई कामगार सुरेखा वाघचौरे, सफाई सेवक विजेंद्र सौदे, रेखा गोहर, गटरकुली हनुमंत तेलगू यांचा समावेश आहे. कार्यक्रमाचे प्रास्ताविक कामगार कल्याण अधिकारी प्रमोद जगताप यांनी तर सूत्रसंचालन व आभार प्रफुल्ल पुराणिक यांनी मानले.