PCMC News: महापालिकेचे सर्व विभाग ‘ट्विटर’चा वापर करणार
नागरिकांसमवेत संवादपुर्ण नाते निर्माण करण्यासाठी ट्विटर सारखे जलद द्विसंवादी माध्यम प्रभावी ठरणार असून महापालिकेची सकारात्मक प्रतिमा उंचाविण्यासाठी ट्विटर उपयुक्त ठरेल. (PCMC News) नागरिकांनी या माध्यमातून प्रशासनाशी संवाद साधावा असे आवाहन आयुक्त तथा प्रशासक राजेश पाटील यांनी केले. पिंपरी येथील मुख्य प्रशासकीय इमारतीमधील दिवंगत मधुकरराव पवळे सभागृहात सर्व विभागप्रमुखांना ट्विटर वापरा विषयी संगणकीय सादरीकरणाद्वारे माहिती देण्यात आली.
Mangalmurti : मंगलमूर्तींच्या द्वारयात्रेला शुक्रवारपासून प्रारंभ
आयुक्त राजेश पाटील म्हणाले, लोकांसमवेत संवाद साधण्यासाठी प्रशासकीय कामकाजामध्ये विविध माध्यमांचा वापर होणे आवश्यक आहे. महापालिकेच्या योजना, सुविधा, उपक्रम आदी बाबी नागरिकांपर्यंत पोहोचविण्यासाठी ट्विटर सारखे माध्यम वापरात आणले पाहिजे. (PCMC News) महापालिकेचे तसेच महापालिका आयुक्त म्हणून माझे स्वत:चे ट्विटर अकाऊंट आहे. आता जागतिक पातळीवर या माध्यमाचा वापर वाढत आहे. हे संवेदनशील माध्यम असून वापरण्यास सुलभ आहे. महापालिकेने नागरिकांकरीता व्हॉटस् ऍप – चॅट बॉट प्रणालीचा वापर सुरु केला आहे.
या प्रणालीवर दैनंदिन 100 पेक्षा अधिक व्यक्ती संवाद साधून आपल्या सूचना, तक्रारी आणि म्हणणे मांडतात. यामुळे प्रशासन गतीमान होण्यास मदत होत आहे. आता महापालिकेच्या सर्व विभागांचे स्वतंत्र ट्विटर अकाऊंट असणार आहे. त्यामुळे त्या विभागातील नागरिकांशी संबंधित बाबी ट्विट करुन नागरिकांना त्याबद्दल अवगत केले जाणार आहे. नागरिकांना या माध्यमातून प्रतिसाद देणारे प्रशासन म्हणून महापालिकेची ओळख होणार आहे. (PCMC News) या माध्यमाचा उपयोग विभागप्रमुखांनी केल्यास नागरिकांच्या अडचणी, शंका यांचे निरसन जलद गतीने होऊन नागरिकांना त्वरीत सेवा मिळू शकेल. शिवाय महापालिकेच्या फॉलोअर्समध्ये देखील वाढ होणार आहे. त्यामुळे सर्व विभागप्रमुखांनी व्यक्तिश: लक्ष घालून संवाद साधावा असे निर्देश आयुक्त पाटील यांनी अधिका-यांना दिले. ट्विटर हे संवादाचे पुढचे पाऊल असून नागरिकांनी या उपक्रमाला प्रतिसाद द्यावा असे आवाहनही त्यांनी केले.