Pimpri-chinchwad : रहाटणी येथे लेबर कॉलनीत 4 सिलेंडरचा स्फोट, सुदैवाने जीवितहानी झाली नाही
एमपीसी न्यूज – रहाटणी (Pimpri – chinchwad) येथील सुखवानी आर्या सोसायटी समोर, तापकीर माळा, गोडांबे चौक येथे शनिवार (दि. ६) रोजी सायंकाळी साडेपाचच्या सुमारास 4 गॅस सिलेंडरचा स्फोट होऊन घरगुती साहित्य जळाले. सुदैवाने यात कोणतीही जीवित हानी झालेली नाही.
मुख्य अग्निशमन व थेरगाव उप अग्निशमन केंद्रातील (Pimpri – chinchwad) कर्मचाऱ्यांनी घटनास्थळी जाऊन लेबर कॉलनी येथे चार पत्रा शेडला लागलेली आग पाणी मारून पूर्णपणे विझवून आटोक्यात आणली आहे. या आगीमध्ये 7 सिलेंडर (5 किलो चे) पैकी 4 सिलेंडरचा स्फोट झाला असे आढळून आले.
सदर ठिकाणी हनुमंत होले ( लिडिंग. फायरमन) , सारंग मंगळूरकर ( लिडिंग.फायरमन ) व इतर तेरा कर्मचारी तत्परतेने हजर होते.
