Pimpri Corona Update: मोठा दिलासा! शहरात आज 28 नवीन रुग्णांची नोंद, 33 कोरोनामुक्तांना डिस्चार्ज

एमपीसी न्यूज – पिंपरी-चिंचवड शहरातील रुग्णसंख्येत मोठ्या प्रमाणात घट होत आहे. शहराच्या विविध भागातील 28 नवीन कोरोना बाधित रुग्णांची आज (सोमवारी) नोंद झाली. आजपर्यंतची सर्वांत निचांकी रुग्णसंख्या आहे. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 33 जणांना डिस्चार्ज देण्यात आला.

शहरातील 1 रुग्णांचा आज मृत्यू झाला. आजपर्यंत शहरातील 4 हजार 490 जणांचा कोरोनामुळे मृत्यू झाला. शहरातील 2 लाख 76 हजार 242 जणांना आजपर्यंत कोरोनाची लागण झाली. सध्या 506 सक्रिय रुग्ण शहरात आहेत. त्यातील 238 रुग्ण गृहविलगीकरणात असून 268 सक्रीय रूग्णांवर महापालिका रुग्णालयामध्ये उपचार सुरू आहेत.

तर, शहरात मेजर कंटेन्मेंट झोन 27 आणि मायक्रो कंटेन्मेंट झोन 334 आहेत. आज दिवसभरात 8 हजार 96 नागरिकांचे लसीकरण झाले असून आजपर्यंत 23 लाख 26 हजार 638 जणांनी कोरोना प्रतिबंधक लस घेतली.