Pimpri News: 15 दिवसांच्या विश्रांतीनंतर पवना धरण परिसरात पावसाची हजेरी; 24 तासात 25 मिली मीटर पाऊस
एमपीसी न्यूज – पिंपरी-चिंचवडकरांसह मावळवासीयांची तहान भागविणाऱ्या पवना धरण पाणलोट क्षेत्र परिसरात 15 दिवसांनंतर पावसाने हजेरी लावली. गेल्या 24 तासात धरण परिसरात 25 मिली मीटर पावसाची नोंद झाली असून धरणात एकूण 33.94 टक्के पाणीसाठा आहे. गतवर्षीपेक्षा हा पाणीसाठा जास्त आहे.
मावळातील पवना धरणातून पिंपरी-चिंचवकरांना पाणीपुरवठा केला जातो. रावेत येथील बंधा-यातून अशुद्ध जलउपसा करण्यात येतो. सेक्टर 23 निगडी येथे पाणी शुद्ध करुन शहरवासीयांना पुरवठा केला जातो. पवना धरण परिसरात पावसाने दडी मारली होती. 15 दिवस पावसाने विश्रांती घेतली होती. धरणातील पाणी साठ्यात 15 दिवस शून्य मिली मीटर पावसाची नोंद झाली होती. पावसाने दडी मारल्याने चिंता व्यक्त केली जात होती. विश्रांतीनंतर पावसाने कालपासून हजेरी लावली आहे. त्यामुळे धरणातील पाणी साठ्यात वाढ होऊ लागली आहे.
पवना धरणातील पाण्याची परिस्थिती!
# गेल्या 24 तासात झालेला पाऊस = 25मि.मि.*
# 1 जूनपासून झालेला पाऊस = 570मि.मि.*
# गेल्या वर्षी आजच्या तारखे पर्यंत झालेला एकूण पाऊस = 386
# धरणातील सध्याचा पाणीसाठा = 33.94% टक्के*
# गेल्या वर्षी आजच्या तारखेचा धरणातील पाणीसाठा = 32.76% टक्के
# गेल्या 24 तासात पाणीसाठ्यात झालेली वाढ
= 0.00% टक्के*
# 1 जूनपासून पाणीसाठ्यात झालेली वाढ = 2.35% टक्के
