Today’s Horoscope 07 February 2024 – जाणून घ्या आजचे राशिभविष्य
एमपीसी न्यूज : आजचे पंचांग -Today’s Horoscope 07 February 2024 – जाणून घ्या आजचे राशिभविष्य
आजचे पंचांग
आजचा दिवस – बुधवार.
तारीख – 07.02.2024.
शुभाशुभ विचार – 14 पर्यंत चांगला दिवस.
आज विशेष – प्रदोष.
राहू काळ – दुपारी 12.00 ते 01.30.
दिशा शूल – उत्तरेस असेल.
आज नक्षत्र – पूर्वाशाढा .
चंद्र राशी – धनु.
मेष – ( शुभ रंग – मरून)
पर्यटनाचे व्यवसाय चांगले चालतील. घरात आज थोरमंडळींशी काही वैचारिक मतभेद होतील. अनावश्यक खर्चाचे प्रमाण वाढणार आहे. महत्त्वाच्या कामासाठी थोडी भटकंती होईल.
वृषभ – ( शुभ रंग- राखाडी)
आज दिवसाचा पूर्वार्ध मोठ्या आर्थिक व्यवहारासाठी तितकासा अनुकूल नाही. दुपारनंतर कार्यक्षेत्रात अनुकूल वातावरण असेल. घरात वडीलधाऱ्यांची मने जपावी लागतील.
मिथुन – ( शुभ रंग- पिस्ता)
महत्त्वाची सर्व कामे आज दिवसाच्या पूर्वार्धातच उरकून घ्या. दुपारनंतर दिवस तितकासा अनुकूल नाही. नवीन ओळखीत फक्त राम राम करा. कोणताही व्यवहार नको.
कर्क – ( शुभ रंग – मोतिया)
धंद्यातील येणी वसूल होतील. गोड बोलून आपला स्वार्थ साधून घेण्याची कला आज तुम्हाला चांगलीच जमेल. वैवाहिक जीवनात आज दुपारनंतर सुसंवाद घडेल.
सिंह -( शुभ रंग – आकाशी)
आज चैनी व विलासी वृत्ती बाळा. उंची वस्त्र खरेदी कराल. शैक्षणिक क्षेत्राशी संबंधित व्यवसाय तेजीत चालतील. संध्याकाळी मित्रमंडळींच्या सहवासात रमाल.
कन्या – ( शुभ रंग- डाळिंबी)
मुलांची अभ्यासात एकाग्रता राहील. स्थावर शेतीवाडी संबंधित काही रखडलेले व्यवहार असतील तर ते आज मार्गी लागतील. प्रेमी युगुलांमध्ये वादविवाद संभवतात.
तूळ – ( शुभ रंग- जांभळा)
आज काम कमी व दगदगच जास्त होईल. एखाद्या महत्त्वाच्या कामासाठी भटकंती होणार आहे. रिकामटेकडी चर्चा आज वादाला कारणीभूत होईल. शेजाऱ्यांशी एकोपा वाढेल.
वृश्चिक – ( शुभ रंग – आकाशी)
आज तुमचे मन काहीसे चंचल राहील. अति उत्साहात काही चुकीचे निर्णय घ्याल. आज प्रवासात जुळलेले नवे हितसंबंध भविष्यकाळाच्या दृष्टीने फायदेशीर ठरतील.
धनु – (शुभ रंग- चंदेरी)
क्षुल्लक कारणांवरून शेजऱ्यांशी मताभेदाची शक्यता आहे. आज गोड बोलून आपला स्वार्थ साधून घ्यावा. आवक पुरेशी असली तरीही बचतीला प्राधान्य देणे हिताचे आहे.
मकर – (शुभ रंग- स्ट्रॉबेरी)
आज तुमची तब्येत थोडीशी नरमच असेल. क्षूल्लक गोष्ट फार मनाला लावून घ्याल. मोफत सल्लागार मंडळींचे सल्ले फार मनावर घेऊ नका. आज जशास तसे या धोरणाने वागा.
कुंभ – (शुभ रंग- गुलाबी)
आज तुमच्यासाठी इच्छापूर्तीचा दिवस असून बऱ्याच दिवसापासून च्या तुमच्या काही अपुऱ्या इच्छा पूर्ण होतील. वाहन वास्तू खरेदी मधील अडथळे दूर होतील. आज तुम्ही म्हणाल ती पूर्व करून दाखवाल.
मीन – ( शुभ रंग- मोरपंखी)
उद्योग व्यवसायाच्या दृष्टीने अनुकूल दिवस असून नोकरीत वरिष्ठांचे सहकार्य राहील. हाताखालचे लोक नम्रतेने वागतील. आज तुम्ही फक्त आपल्या कर्तव्याला प्राधान्य द्या.
श्री जयंत कुळकर्णी.
ज्योतिष व वास्तु शास्त्र सल्लागार.
फोन 9689165424
