India Corona Update : 97 लाख रुग्ण झाले कोरोनामुक्त, रिकव्हरी रेट 95.77 टक्क्यांवर
एमपीसी न्यूज – भारतात मागील 24 तासांत 24 हजार 661 बरे झालेल्या रुग्णांना डिस्चार्ज देण्यात आला. देशातील एकूण कोरोना बाधित रुग्णांपैकी आजवर 97 लाख 17 हजार 834 रुग्ण उपचारानंतर बरे झाले आहेत. कोरोना रुग्ण बरे होण्याचे प्रमाण दिवसेंदिवस सुधारत असून ते सध्या 95.77 टक्क्यांवर पोहोचलं आहे.
मागील 24 तासांत देशभरात 23 हजार 068 नव्या कोरोना रुग्णांची वाढ झाली आहे. यासह देशातील एकूण कोरोना बाधित रुग्णांची संख्या 1 कोटी 01 लाख 46 हजार 846 एवढी झाली आहे. त्यापैकी सध्या 2 लाख 81 हजार 919 सक्रिय रुग्णांवर उपचार सुरू आहेत. केंद्रीय आरोग्य मंत्रालयाने याबाबत आकडेवारी प्रसिद्ध केली आहे.
With 23,068 new #COVID19 infections, India's total cases rise to 1,01,46,846
With 336 new deaths, toll mounts to 1,47,092. Total active cases at 2,81,919
Total discharged cases at 97,17,834 with 24,661 new discharges in the last 24 hours. pic.twitter.com/mOA0poMGrY
— ANI (@ANI) December 25, 2020
देशात गेल्या 24 तासांत 336 रुग्णांचा मृत्यू झाला आहे. आतापर्यंत देशभरात 1 लाख 47 हजार 092 रुग्णांचा मृत्यू झाला आहे. देशाचा कोरोना मृत्यूदर 1.44 टक्के एवढा आहे. आयसीएआरने प्रसिद्ध केलेल्या आकडेवारीनुसार, देशात आतापर्यंत 16 कोटी 63 लाख 5 हजार 762 नमूने तपासण्यात आले आहेत. त्यापैकी 9 लाख 97 हजार 396 नमूने गुरुवारी (दि.24) तपासण्यात आले आहेत.
COVID-19 Testing Update. For more details visit: https://t.co/dI1pqvXAsZ @MoHFW_INDIA @DeptHealthRes #ICMRFIGHTSCOVID19 #IndiaFightsCOVID19 #CoronaUpdatesInIndia #COVID19 #Unite2FightCorona pic.twitter.com/s5RIbO1PU7
— ICMR (@ICMRDELHI) December 25, 2020
देशातील कोरोना रुग्ण वाढीचा दर मंदावत असून रिकव्हरी रेटही सुधारला आहे. त्यामुळे सक्रिय रुग्णांच्या संख्येत निरंतर घट होत आहे.