Pavana Dam Water Level: पवना धरण परिसरात पावसाचा जोर कायम; 28 टक्के पाणीसाठा
एमपीसी न्यूज : पिंपरी-चिंचवडसह मावळवासीयांची तहान भागविणा-या पवना धरण परिसरात पावसाचा जोर कायम आहे. (Pavan Dam Water Level) मागील चोवीस तासात 105 मिली मीटर पावसाची नोंद झाली आहे. त्यामुळे धरणातील पाणीसाठा 3.88 टक्क्यांनी वाढला असून धरणात एकूण 27.78 टक्के पाणीसाठा आहे.
पिंपरी-चिंचवडसह मावळ भागातील विविध गावांचा पाण्याचा मुख्य स्रोत पवना धरण आहे. महापालिका सध्या धरणातून 510 एमएलडी पाणी उचलते. (Pavana Dam Water Level) शहराला पाणीपुरवठा करण्यासाठी पवना नदीवरील रावेत – पुनावळे दरम्यान असलेल्या बंधा-यातून अशुद्ध जलउपसा करण्यात येतो. सेक्टर 23 निगडी येथे पाणी शुद्ध करुन शहरवासीयांना पुरवठा केला जातो.
पवना धरणातील परिस्थिती!
गेल्या 24 तासात झालेला पाऊस = 105 मि.मि.
1 जूनपासून झालेला पाऊस = 545 मि.मि.
गेल्या वर्षी आजच्या तारखे पर्यंत झालेला एकूण पाऊस = 650 मि.मि.
धरणातील सध्याचा पाणीसाठा = 27.78 टक्के
गेल्या वर्षी आजच्या तारखेचा धरणातील पाणीसाठा = 34.94 टक्के
गेल्या 24 तासात पाणीसाठ्यात झालेली वाढ
= 3.88 टक्के