Central Railways : मध्ये रेल्वेचा तिकीट तपासणी महसूल 150 कोटी पार

एमपीसी न्यूज : 1 एप्रिल ते 20 सप्टेंबर 2022 या कालावधीत मध्य रेल्वेने 154.57 कोटी रुपयांचा विक्रमी तिकीट तपासणी महसूल जमा केला.(Central Railways) विनातिकीट/अनियमित प्रवासातून मिळालेल्या महसुलापेक्षा गेल्या वर्षीच्या याच कालावधीत झालेल्या 65.58 कोटींपेक्षा यंदा 135.70% वाढ झाली आहे.

विनातिकीट/अनियमित प्रवास आणि बुक न केलेल्या सामानाची एकूण 23.20 लाख प्रकरणे आढळून आली, मागील वर्षी याच कालावधीत 11.44 लाख प्रकरणे आढळली होती, त्यात 102.69% वाढ झाली आहे.

1 एप्रिल ते 20 सप्टेंबर 2022 या कालावधीत, केवळ तिकीट नसलेल्या प्रवाशांची एकूण 20.97 लाख प्रकरणे आढळून आली, मागील वर्षी याच कालावधीत 10.65 लाख प्रकरणे होती,( Central Railway) त्यात 96.90% वाढ झाली आहे. अशा विनातिकीट प्रवाशांकडून 130.43% ची वाढ दर्शवून आर्थिक वर्ष 2022-23 मध्ये (20.9.2022 पर्यंत) ₹144.50 कोटी महसूल प्राप्त झाला, तर 2021-22 मध्ये (२०.९.२०२१ पर्यंत) ₹62.71 कोटी महसूल प्राप्त झाले होते.

Beed news : न्यू आष्टी – अहमदनगर रेल्वे मार्गाचे उद्घाटन तर  न्यू आष्टी – अहमदनगर डेमू सेवेला हिरवा झेंडा दाखवून शुभारंभ

विभागनिहाय प्रकरणे आणि महसूल खालीलप्रमाणे आहेतः

मुंबई – 9.01 लाख प्रकरणे आणि ₹51.13 कोटी

भुसावळ – 4.89 लाख प्रकरणे आणि ₹38.58 कोटी

नागपूर – 3.34 लाख प्रकरणे आणि 22.36 कोटी

सोलापूर – 2.72 लाख प्रकरणे आणि ₹17.59 कोटी

पुणे – 1.62 लाख प्रकरणे आणि 11.27 कोटी

मुख्यालय – 1.61 लाख प्रकरणे आणि 13.64 कोटी

प्रवाशांनी गैरसोय टाळण्यासाठी आणि सन्मानाने प्रवास करण्यासाठी प्रवाशांना योग्य आणि वैध रेल्वे तिकीट घेऊन प्रवास करण्याचे आवाहन मध्य रेल्वेने केले आहे.

 

 

 

MPCNEWS आता टेलीग्रामवर आहे. आमचं चॅनेल (@mpcnews1) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.