Chakan : अनधिकृत वीज जोडणी घेतल्याने कारवाई करणाऱ्या महावितरणच्या कर्मचाऱ्यांना मारहाण
महावितरणचे कर्मचारी रामा इबतवार (वय 37, रा. चाकण) यांनी याप्रकरणी चाकण पोलीस (Chakan)ठाण्यात फिर्याद दिली आहे. त्यानुसार अनिकेत पंढरीनाथ येलवंडे (रा. चाकण) याच्या विरोधात गुन्हा दाखल करण्यात आला आहे.
पोलिसांनी दिलेल्या माहितीनुसार, फिर्यादी हे त्यांच्या सहका-यांसह चाकण येथील शिक्षक कॉलनी येथे थकीत वीजबील वसुलीसाठी गेले होते. यावेळी आरोपी यानेही वीज बिल न भरल्यामुळे त्यालाही वीज बिल भरण्यासाठी सांगितले. यावेळी त्याने पैसे नसल्याचे सांगितले.
यावेळी आरोपीने शिवीगाळ करत कनेक्शन कट करणाऱ्या कर्मचाऱ्यावर दगडफेक केली. तसेच फिर्यादी यांना शिवीगाळ करत पोलीसांकडे तक्रार केली तर जीवे मारण्याची धमकी दिली. फिर्यादी यांनी हा प्रकार मोबाईल मध्ये रेकॉर्ड करण्यासाठी फोन सुरु केला असता आरोपीने त्यांचा मोबाईल फोन हिसकावून घेण्याचा प्रयत्न करत धक्काबुक्की करून मारहाण केली. चाकण पोलीस तपास करीत आहेत.
