Maharashtra : 45 वर्ष होऊनही अंमलात न आल्याने महाराष्ट्र कॅसिनो कायदा रद्द
एमपीसी न्यूज – सन 1976 साली पारित झालेला महाराष्ट्र कॅसिनो कायदा 45 वर्ष होऊनही (Maharashtra) अंमलात येऊ शकला नाही. त्यामुळे तो कायदा रद्द करण्याचा निर्णय आज (शुक्रवारी, दि. 18) झालेल्या मंत्रिमंडळ बैठकीत घेण्यात आला. बैठकीच्या अध्यक्षस्थानी मुख्यमंत्री एकनाथ शिंदे होते.
राज्य शासनाने महाराष्ट्र कॅसिनोज (नियंत्रण आणि कर) अधिनियम, 1976 पारीत केला आहे. मात्र जवळपास 45 वर्षे होऊन गेली तरी देखील तो अंमलात येऊ शकलेला नाही. या अधिनियमाची अंमलबजावणी राज्यात करावयाची किंवा कसे या संदर्भात वरीष्ठ पातळीवर साधक-बाधक विचारविमर्श होऊन महाराष्ट्रासारख्या राज्यात अशा स्वरुपाचा कायदा अंमलात आणण्यात येऊ नये, अशी भूमिका घेण्यात आली आहे.
PCMC : पाणी पुरवठ्याच्या तक्रारींसाठी महापालिकेतर्फे नागरिकांसाठी हेल्पलाइन क्रमांक जाहीर
त्यानुषंगाने महाराष्ट्र कॅसिनोज (नियंत्रण आणि कर) अधिनियम, 1976 हा कायदा (Maharashtra) निरसित करण्याबाबतचा प्रस्ताव आज मंत्रिमंडळ बैठकीमध्ये ठेवण्यात आला होता. या बैठकीमध्ये हा कायदा निरसित करून त्यानुषंगाने विधिमंडळास विधेयक सादर करण्यास मान्यता देण्यात आली आहे.
