Maval Corona News : कोरोनाचा धोका वाढला! नवीन 76 रुग्णांचा चाचणी अहवाल पॉझिटिव्ह

एमपीसीन्यूज – कोरोना रुग्णांचा आकडा दिवसेंदिवस वाढत असल्याचे चित्र सध्या मावळमध्ये पाहायला मिळत आहे. मावळ तालुक्यात शुक्रवारी (दि.07 ) 76 रुग्णांचा चाचणी अहवाल पॉझिटिव्ह आला, तर तालुक्यात दिवसभरात 02 जणांना डिस्चार्ज देण्यात आला. आज एकही रुग्णाचा कोरोनाने मृत्यू झाला नाही,आतापर्यंत 525 रुग्णांचा कोरोनाने मृत्यू झाला आहे.सद्यस्थितीत उपचार घेत असलेल्या रुग्णांची संख्या 344 आहे.

शहरी भागात 49 रूग्ण तर ग्रामीण भागात 27 रूग्ण आज सापडले. आज तळेगाव दाभाडे नगरपरिषदेच्या हद्दीत 37 रूग्ण सापडले. तर लोणावळा नगरपरिषदेच्या हद्दीत 09 रूग्ण आज सापडले.आणि वडगाव नगरपंचायतीच्या हद्दीत 03 रूग्ण आज सापडले. तालुक्यातील कोरोना बाधितांची आतापर्यंतची एकूण संख्या 28,141 झाली आहे. तर दिवसभरात 02 रुग्ण बरे झाल्याने घरी सोडण्यात आला.

शुक्रवारी कोरोना रुग्णांमध्ये ग्रामीण भागात शिरगाव येथे 10 रुग्ण सापडले.गहुंजे येथे 05 रुग्ण सापडले.कुणे नामा येथे 04 रुग्ण सापडले.वराळे येथे 03 रुग्ण सापडले.तर कुसगाव बुद्रुक,कान्हे,करूंज,टाकवे बुद्रुक व माळवाडी नामा येथे प्रत्येकी 01रूग्ण सापडला. असे एकूण 27 रुग्ण सापडले. 27,282 जणांना आतापर्यंत डिस्चार्ज देण्यात आला आहे.

आतापर्यंत 525 रुग्णांचा मृत्यू झाला आहे. तळेगाव नगरपरिषद हद्दीत सर्वाधिक 9,004 , लोणावळा नगरपरिषद हद्दीत 4,638 व वडगाव नगरपंचायत हद्दीत 1,397 रुग्ण सापडले आहेत. शहरी भागात 15,039 रुग्ण तर ग्रामीण भागात 13,102 रुग्ण आढळून आले आहेत. एकही रुग्णाची परिस्थिती गंभीर नाही.कोरोना रुग्ण बरे होण्याचा दर 96.95टक्के आहे तर मृत्यू दर 1.87 टक्के आहे.

सद्यस्थिती तळेगाव दाभाडे नगरपरिषद मध्ये 109, लोणावळा नगरपरिषदमध्ये 85 , वडगाव नगरपंचायतमध्ये 11 व ग्रामीण भागात 129 असे एकूण 334 रुग्ण आहेत, अशी माहिती तहसीलदार मधुसूदन बर्गे, तालुका आरोग्य अधिकारी डॉ. चंद्रकांत लोहारे व कोविड समन्वयक डॉ. गुणेश बागडे यांनी माहिती दिली.