PCMC : शहरात कर कक्षेत नसलेल्या अडीच लाख मालमत्ता?अर्थसंकल्पातून माहिती
कर संकलन विभागामार्फत वसूलीकामी प्रभावी अंमलबजावणी करण्यात येत आहे. सन 2022-2023 मध्ये 811 कोटी वसूली करण्यात आली आहे. चालू आर्थिक वर्षात 15 फेब्रुवारी अखेर 755 कोटी उत्पन्न मिळाले आहे. मार्च अखेर 1 हजार कोटी वसूली उद्दिष्ट पूर्ण करण्याचा विभागाचा प्रयत्न आहे.
स्थानिक संस्था कर विभागाकडे नोंदणी केलेल्या शहरातील व्यावसायिकांसाठी राज्य शासनाचे मान्यतेनुसार ‘अभय योजना’ लागू करण्याचे नियोजन आहे. त्याची अंमलबजावणी केल्यानंतर स्थानिक संस्था कर विभागाकडून सन 2024-25 या आर्थिक वर्षात अंदाजे सुमारे 400 ते 500 कोटी एवढ्या रकमेचा स्थानिक संस्था कर वसुल होईल. त्यामुळे महापालिकेच्या महसुली उत्पनात भरीव वाढ होईल. राज्य शासनाच्या मान्यतेने कर्ज घेण्याचे नियोजन आहे. त्याचे अनेक टप्पे असून त्याची प्रक्रिया सुरु आहे. महापालिकेची आर्थिक स्थिती चांगली आहे. बचत ठेवी देखील भरपूर असल्याचे महापालिका आयुक्त तथा प्रशासक शेखर सिंह यांनी सांगितले.