Pimpri Corona Update : शहरात नवीन 59 रुग्णांची नोंद, 46 कोरोनामुक्तांना डिस्चार्ज
एमपीसी न्यूज – पिंपरी-चिंचवड शहराच्या विविध भागातील 59 नवीन कोरोना बाधित रुग्णांची आज (मंगळवारी) नोंद झाली. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 46 जणांना डिस्चार्ज देण्यात आला.
शहरातील एका रुग्णाचा आज मृत्यू झाला. आजपर्यंत शहरातील 4 हजार 524 जणांचा कोरोनामुळे मृत्यू झाला. शहरातील 2 लाख 78 हजार 823 जणांना आजपर्यंत कोरोनाची लागण झाली. सध्या 423 सक्रिय रुग्ण शहरात आहेत. त्यातील 209 रुग्ण गृहविलगीकरणात असून 214 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 35 आणि मायक्रो कंटेन्मेंट झोन 293 आहेत. आज दिवसभरात 10 हजार 276 नागरिकांचे लसीकरण झाले असून आजपर्यंत 29 लाख 43 हजार 798 जणांनी कोरोना प्रतिबंधक लस घेतली.
