Pimpri Corona Update : मोठा दिलासा! शहरात आज 16 नवीन रुग्णांची नोंद; एकही मृत्यू नाही
एमपीसी न्यूज – पिंपरी-चिंचवड शहरातील कोरोनाच्या रुग्णसंख्येत घट होत असून मृत्यूचे प्रमाणही कमी झाले आहे. कोरोनामुळे आज एकही मृत्यू झाला नाही. ही मोठी दिलासादायक बाब मानली जात आहे. शहराच्या विविध भागातील 16 नवीन कोरोना बाधित रुग्णांची आज (सोमवारी) नोंद झाली. तर, उपचाराला दहा दिवस पूर्ण झालेल्या आणि कोणतीही लक्षणे नसलेल्या 21 जणांना डिस्चार्ज देण्यात आला.
आजपर्यंत शहरातील 4 हजार 509 जणांचा कोरोनामुळे मृत्यू झाला. शहरातील 2 लाख 77 हजार 462 जणांना आजपर्यंत कोरोनाची लागण झाली. सध्या 349 सक्रिय रुग्ण शहरात आहेत. त्यातील 128 रुग्ण गृहविलगीकरणात असून 221 सक्रीय रूग्णांवर महापालिका रुग्णालयामध्ये उपचार सुरू आहेत.
तर, शहरात मेजर कंटेन्मेंट झोन 21 आणि मायक्रो कंटेन्मेंट झोन 254 आहेत. आज दिवसभरात 12 हजार 941 नागरिकांचे लसीकरण झाले असून आजपर्यंत 25 लाख 62 हजार 996 जणांनी कोरोना प्रतिबंधक लस घेतली.
