Pune Corona Update : पुण्यात 317 नवे रुग्ण ; 254 जणांना डिस्चार्ज
एमपीसी न्यूज : पुणे शहरात आज, शनिवारी दिवसभरात नव्याने 317 रुग्ण आढळले असून रुग्णांची संख्या दुप्पट होऊ लागली आहे. आज 254 रुग्णांना घरी सोडण्यात आले आहे.
तर ॲक्टिव्ह रुग्णांची संख्या 5 हजार 150 इतकी आल्यामुळे संसर्ग दर स्थिर आहे. विशेष म्हणजे दिवसभरात 6 रुग्णांचा मृत्यू झाला यापैकी 3 जण शहराबाहेरील होते, अशी माहिती पुणे महापालिकेच्या आरोग्य विभागाकडून देण्यात आली.
आत्तापर्यंत 1 लाख 64 हजार 033 कोरोनातून बरे झालेल्या रुग्णांना डिस्चार्ज दिला गेला आहे. एकूण 383 रुग्णांची स्थिती गंभीर असून 228 जण व्हेंटिलेटरवर उपचार घेत आहेत.
नागरीकांनी निर्धास्त न राहता सातत्याने मास्क, हँड सॅनिटायजर आणि सोशल डिस्टंन्सिग नियमांचे पालन करावे. तसेच सौम्य ते तीव्र लक्षणे आढळल्यास तातडीने अँटीजेन, स्वॅब टेस्टींग करून खबरदारी घ्यावी. तसेच नजिकच्या डॉक्टरकडून औषधोपचार सुरू करण्याचे आवाहन महापालिका प्रशासनाकडून केले जात आहे.
